जन सरोकारस्वास्थ्य

अझै छ सङ्क्रमण दर १७.६ प्रतिशत

नेपालमा कोरोना भाइरस संक्रमण दर १७.६ प्रतिशत रहेको स्वास्थ्य तथा जनसङ्ख्या मन्त्रालयले आज सार्वजनिक गरेको बुलेटिनमा उल्लेख गरिएको छ ।

मन्त्रालयका अनुसार पछिल्लो २४ घण्टामा आज तीन हजार ८३५ जनामा परीक्षण गर्दा २२ जनामा कोरोना भाइरस सङ्क्रमण पुष्टि भएको छ । सक्रिय सङ्क्रमितको सङ्ख्या एक हजार २२ रहेका छन् ।

पछिल्लो समय ७५ जना सङ्क्रमणमुक्त भएका छन् । योसँगै सङ्क्रमणमुक्त हुनेको सङ्ख्या नौ लाख ६५ हजार ४६९ पुगेको छ । यो दर ९८.७ प्रतिशत रहेको मन्त्रालयले जनाएको छ ।

शून्य सङ्क्रमित रहेका जिल्लाहरूमा सङ्खुवासभा, सोलुखुम्बु, भोजपुर, चितवन, नुवाकोट, दोलखा, मनाङ, मुस्ताङ, पूर्व रुकुम, सल्यान, जाजरकोट, जुम्ला, डोल्पा, बाजुरा र हुम्ला छन् ।

हाल होम आइसोलेशनमा ९७१, संस्थागत आइसोलेशनमा ५१, आइसियुमा १३ र भेन्टिलेटरमा तीन जनाको उपचार हुँदैछ । विगत २४ घण्टामा ५९ हजार ५४३ जनाले खोप लगाएका छन् ।

प्रतिक्रिया राख्नुहोस्

सम्बन्धित खबर

Back to top button