नातीको विहेका लागि गत फेब्रुअरी महिनाको २६ मा लण्डन जानुभएका बागलुङको नगरपालिका १२, अमलाचौरका ७५ वर्षीय कर्णबहादुर क्षेत्रीको बुधबार बेलायतको लण्डन नर्थविक पार्क अस्पतालमा निधन भएको हो । मृतक कार्की भारतीय गोर्खा आर्मीका ‘रिटायर्ड पेन्सनर’ थिए ।
अवकाशप्राप्त जीवनलाई आफ्नै गाउँमा समाजसेवा र राजनीतिमा सक्रिय उहाँ तत्कालिन गाविसमा एमालेको तर्फबाट उपाध्यक्ष निर्वाचित हुनुभएको थियो ।
मार्च ३० तारिखका दिन अस्पताल भर्ना भएका उहाँलाई त्यसको दुई दिनपछि भेन्टिलेटरमा राखिएको थियो । अस्पताल भर्ना गरेर जाँच गर्दा क्षेत्रीलाई निमोनिया देखिएको डाक्टरहरुले बताएका थिए । सोमबार साँझ अस्पताल भर्ना भएका उहाँलाई बुधबार बिहानदेखि भेन्टिलेटरमा राखिएको थियो । क्षेत्रीलाई कोरोनाको संक्रमण पुष्टी भएको जानकारी पनि परिवारले सोहि दिन पाएको थियो ।
बुधबार दिउँसो अस्पतालले परिवारलाई टेलिफोन गरेर क्षेत्रीलाई बचाउन कुनै उपाय नलागेको जानकारी गराएको थियो । अप्रत्यासित रुपमा क्षेत्रीको निधनपछि अहिले परिवार मर्माहत छ । क्षेत्रीसंगै आएकी उनकी ७१ वर्षीय श्रीमतीलाई सम्हालिन गाह्रो परेको छ ।
क्षेत्रीका ४ छोरा र तीन छोरी छन् । जेठो छोरा मिलन परिवारसहित लण्डनमा छन् भने कान्छो छोरा र बुहारी जापानमा छन् । अरु सबै नेपालमै छन् ।
प्रतिक्रिया राख्नुहोस्