विश्वभर महामारीका रुपमा फैलिइरहेको कोरोना भाइरस उपचारका लागि भाइरस संक्रमणको औषधि तथा खोप पत्ता नलागेका बेला जापानले भने चिकित्सकहरुलाई भाइरस प्रतिरोधी औषधि प्रयोग गर्न अनुमति दिएको छ ।
यसअघि जापानी विशेषज्ञहरुले कोरोना उपचारमा प्रभावकारी हुने दावी गर्दैआएको रेमडेसिविर नामक औषधि कोरोना भाइरस उपचारका लागि स्वास्थ्य मन्त्रालयले स्वीकृति दिएको हो । स्मरणीय के छ भने अमेरिकाले पनि यो औषधिलाई आपतकालिन उपयोगको स्वीकृत दिएको थियो ।
यो औषधि इबोलाको उपचारका लागि अमेरिकी कम्पनी गिलियस साइन्सेजले विकसित गरेको थियो । कोरोना उपचारमा उपयोग गर्न स्वीकृति दिइए पनि यसको आपूर्ति भने सीमित मात्रामा हुनेछ । तत्कालाई यसको प्रयोग गम्भीर लक्षण भएका बिरामीहरुको उपचारमा प्रयोग गरिनेछ ।
रेमडेसिविरसंगै जापानमा कोरोना उपचारका लागि अर्को औषधिलाई पनि अगाडि सारिएको छ । कितासातो विश्वविद्यालयका शोधकर्ताहरुको नेतृत्वको एक समूहले बताए अनुसार उनीहरुले रोग प्रतिरोधक औषधि बनाएका छन्, जुन भाइरस प्रतिरोधी छ । यसको परीक्षणबाट अधिकांश कोसिका भाइरसबाट संक्रमित नभएको पाइएको छ
कितासातो विश्वविद्यालयका प्राध्यापक कातायामाा काजुहिकोले कोरोना भाइरसको उपचारका लागि रोग प्रतिरोधक औषधिको उपयोगबाट अन्य कैयौं उपाय खुल्दै जाने र कोरोनाको उपचारमा नयाँ कीर्तिमान बन्नेछ ।
प्रतिक्रिया राख्नुहोस्