आज विहान ७ बजेदेखि सुरु भएको स्थानीय तहको निर्वाचनमा दिउँसोसम्म झण्डै ४० प्रतिशत मतदान भएको निर्वाचन आयोगले जनाएको छ ।
आयोगले छिटफुट घटनाबाहेक ७५३ वटै स्थानीय तहमा उत्साहजनक रुपमा मतदान भइरहेको र मध्याह्न १२ बजेसम्म देशभर करिब ३५ प्रतिशत मतदान भइसकेको तथ्यांक प्राप्त भएको जनाएको छ ।
आयोगले दोलखा, सर्लाही, सप्तरी, रामेछाप, पर्वत, हुम्ला र बाजुराका केही स्थानमा भने सामान्य विवादका कारण मतदान कार्य अवरुद्ध भएको छ ।
ती स्थानमा पनि छिट्टै मतदान सुरु हुने अपेक्षा रहेको निर्वाचन आयोगका प्रवक्ता शालिग्राम शर्मा पौडेलले जानकारी दिनुभयो ।
प्रतिक्रिया राख्नुहोस्