खेलजापान

तेस्रो रनिङ कप भलिबलको आम्दानीबाट घुम्टेमा शिवमुर्ति स्थापना

गल्कोट समाज जापान, क्षेत्रीय समिति नागोयाले गल्कोटको शिर घुम्टेमा शिवको मुर्ति निर्माणमा आर्थिक संकलन गर्ने उद्देश्यसहित तेस्रो रनिङ कप भलिबल प्रतियोगिता गर्ने भएको छ ।

आयोजकले प्रतियोगितामा सहभागी हुने टीमलाई प्रवेश शुल्क जापानी येन चालिस हजार तोकेको छ । संस्थाले उपलब्ध गराएको आधिकारिक खातामा मे ३० तारिक दिनको तीन बजेसम्म रकम जम्मा भैसकेपछि आधिकारिक दर्ता गरी ३१ तारिक टाईसिट प्रकाशन गर्ने समाजका सचिव राम खत्रीले जानकारी दिनु भयो ।

प्रतियोगितामा पुरस्कार राशी क्रमश प्रथम तीन लाख दुई हजार दुई सय बाईस येन नगद प्रमाण पत्र, मेडल र रनिङ कप, द्वीतिय पुरस्कार एक लाख बहत्तर हजार दुई सय बाईस येन नगद, प्रमाण पत्र, मेडल तथा सान्त्वना पुरस्कार स्वरुप दुई टीमलाई पचास हजार येन नगद प्रदान गरने जनाइएको छ ।

त्यसै गरी छुट्टाछुट्टै पाँच बिधामा उत्कृष्ट खेलाडीलाई आकर्षक पुरस्कारद्वारा सम्मान गर्ने पनि घोषणा गरेको छ। जसमा बेष्ट प्लेयर १०००० येन नगद र ट्रफी, बेष्ट स्पाईकर ५००० येन नगद र ट्रफी, बेष्ट ब्लकर ५००० यन नगद र ट्रफी, बेष्ट डिफेन्सर ५००० यन नगद र ट्रफी र बेष्ट सटर ५००० यन नगद र ट्रफी रहने खेल संयोजक मनोज के सीले जानकारी दिनुभयो ।

प्रतियोगिता नक आउट सिष्टम अनुसार नेपाली रेफ्रीद्वारा खेलाइने छ भने खेलाडीले स्पष्ट नम्वर खुल्ने जर्सी र स्पोर्ट्स जुत्ताको ब्याबस्था आफैं गर्नु पर्ने छ ।

त्यसै गरी खेलमा नेपाली खेलाडी मात्र सहभागी गराउन पाइने छ भने खेलाडी संख्या अफिसियल सँगै बढीमा १० जनाको हुनु पर्नेछ ।

जुन १ तारिक बिहान ९ बजेबाट सुरु हुने प्रतियोगिता स्थलभित्र मादक पदार्थ सेवन गरी प्रवेश गर्न पाईने छैन भने खेलमा कुनै प्रकारको विवाद आएमा आयोजकको निर्णय नै सर्वमान्य हुनेछ ।
बाग्लुङ जिल्लाको गल्कोटमा अवस्थित घुम्टे पहाड धार्मिक तथा पर्यटकीय दृष्टिकोणबाट चर्चित रहेको र शिव मुर्ति स्थापना भएमा उक्त क्षेत्रको अझै महत्व बढेर पर्यटन प्रबर्धनमा थप टेवा पुग्ने विश्वास आयोजकको छ ।

समाजका अध्यक्ष राम थापाले जापानमा रहने सम्पुर्ण भलिबल प्रेमीहरुलाई खेलमा सहभागि हुन तथा आर्थिक नैतिक भौतिक सहयोग गरिदिन समेत अनुरोध गर्नु भएको छ।

खेल Takayokosukamachi Masugata Tokai, Aichi, Japan 477-0037, Aki :0wariyosuka, Tokai city shimnin ,gymnasium Tel-0562 32 2311 मा संचालन हुने छ।

खेल सम्बन्धि थप बिस्तृत जानकारी आवास्यक परेमा निम्न ब्यक्ति र सम्पर्क नं मा सम्पर्क गर्न सकिने छ पनि समाजले जनाएको छ।
मनोज के.सी.-08058176778, राम थापा-09099208032, भेषनाथ गौतम-09090243037

प्रतिक्रिया राख्नुहोस्

सम्बन्धित खबर

Back to top button