मनोरञ्जन बेहेमथ जोनी एन्ड एसोसिएट्स इंकका अध्यक्षले आफ्ना स्वर्गीय संस्थापक जोनी किटागावा विरुद्ध यौन दुर्व्यवहारको दावीमा औपचारिक माफी मागेका छन् ।
गत आइतवार, ट्यालेन्ट एजेन्सीका अध्यक्ष जुली केइको फुजिशिमाले आरोपको जवाफमा कम्पनीको वेबसाइटमा भिडियो र लिखित बयानमा माफी मागेकी हुन् । एक जापानी ब्राजिलियन गायक तथा गीतकार कौआन ओकामोटोले किशोरावस्थामा किटागावाले आफूमाथि यौन दुर्व्यवहार गरेको दाबी गरेको एक महिनापछि माफी मागिएको हो ।
पूर्व पुरुष मनोरन्जनकर्ताहरू र ट्यालेन्ट एजेन्सीको संस्थापक विरुद्ध अरूले पनि आरोप लगाएका थिए । जसको चार वर्षअघि नै मृत्यु भैसकेको छ । बीबीसीले मार्चमा यस विषयमा वृत्तचित्र प्रसारण गरेपछि घरेलु मिडिया र अन्तर्राष्ट्रिय रूपमा यस विषयमा हेडलाइन बनेको थियो ।
अप्रिलमा, ओकामोटोले एक पत्रकार सम्मेलनमा भने किटागावाले आफू एजेन्सीको सदस्य हुँदा लगभग १५ देखि २० पटक दुर्व्यवहार गरेका थिए । उनले यस्तै दुव्र्यवहारको अनुभव गरेका कम्तीमा तीन अन्य व्यक्तिलाई पनि थाहा भएको बताएका थिए ।
गत शनिबार युट्युबमा पोष्ट गरिएको ओकामोटोको भिडियोमा, उनले किटागावालाई मनोरञ्जन उद्योगको पिताको रूपमा लिइएको कुरालाई ध्यानमा राख्दै आफ्नो आफ्नै आमाबुबामध्ये एकद्वारा यौन दुर्व्यवहार गरेको जस्तो अनुभव भएको वर्णन गरेका थिए ।
ओकामोटोले किटागावाप्रति आफूलाई यति धेरै कदर र सम्मान भएकोले आफूले दुर्व्यवहारको बारेमा कसैलाई बताउन नचाहेको पनि बताए।
ट्यालेन्ट एजेन्सीका फ्यानहरूले किटागावाले लगाएको यौन दुर्व्यवहारको आरोपको छानबिन गर्न माग गर्दै निवेदन दिए जसमा करिब १६,००० व्यक्तिले निवेदनमा हस्ताक्षर गरेका छन् ।
फुजिशिमाले कम्पनीले पहिले वकिल र सल्लाहकारहरूसँग सहकार्य गरेर आन्तरिक अनुसन्धान गर्नुपर्ने हुनाले र दुर्व्यवहारको दाबीका साथ अगाडि आएकाहरूसँग कुरा गर्नुपर्ने भएको कारण पत्रकार सम्मेलन गर्न ढिलाइ भएको प्रतिक्रिया दिइन् ।
अध्यक्ष फुजिशिमाले पीडित भएको दाबी गर्नेहरूप्रति गहिरो माफी माग्दै यसलाई धेरै गम्भीरताका साथ लिने बताए पनि फुजिशिमाले आरोपको सत्यतामा टिप्पणी गर्न अस्वीकार गरिन् ।
उनले किटागावाको कारबाहीबारे आफूलाई प्रत्यक्ष जानकारी नभएको बताइन् । जब साप्ताहिक शुकान बन्सुनले पहिलो पटक १९९९ मा दुर्व्यवहारको आरोपको बारेमा समाचार सार्वजनिक गरेको थियो जुन ट्यालेन्ट एजेन्सी दुई प्रमुख व्यक्तिहरूद्वारा सञ्चालित थियो ।
पत्रिकाले जोनी किटागावाद्वारा बाल दुर्व्यवहार र यौन दुर्व्यवहारको आरोपहरूको एक श्रृंखला प्रकाशित गर्यो, जसमा उनले सल्लाह दिएका धेरै केटाहरू पनि समावेश थिए । कम्पनी र किटागावाले म्यागजिनको विरुद्ध मानहानीको दावी गरेको मुद्दामा दबाब दिए, र २००२ मा, टोकियो जिल्ला अदालतले आउटलेटलाई कुल ८.८ मिलियन येन क्षतिपूर्ति तिर्न आदेश दियो।
एक वर्ष पछि, टोकियो उच्च अदालतले कथित दुरुपयोग सम्बन्धी कथनहरू एकअर्कासँग मिल्दोजुल्दो रहेको भन्दै क्षतिपूर्ति रकम १.२ मिलियन येनमा परिवर्तन गर्यो ।
घटनाहरूको जिम्मेवारी कसरी लिने भनेर सोध्दा फुजिशिमाले भनिन् कि उनले राजीनामा दिने विचार गरे तापनि कम्पनीमा मानसिकता परिवर्तन सहित पुनरावृत्ति रोक्नको लागि उपायहरूमा काम गर्न आफ्नो स्थितिमा रहने निर्णय गरिन् ।
जोनी किटागावा एक उच्च सम्मानित मनोरन्जक मोडल थिए जसमा विभिन्न प्रकारका जापानी ब्यान्डहरू लन्च गर्नका लागि परिचित थिए । जस्तै अराशी (Arashi) हे (Hey! ) से (Say!) जम्प (Jump!) र इस्म्याप (SMAP )।
प्रतिक्रिया राख्नुहोस्