जन सरोकार

सौन्दर्य प्रतियोगिताका आयोजकबाट बलात्कृत युवतीको घरमा पुग्यो प्रहरी

घटना भएको झण्डै आठ वर्षपछि यसको सार्वजनिक गरेकी एक युवतीलाई न्याय दिलाउन र संसदमा सभामुख अग्नि सापकोटाले रुलिरुलिङ गरेपछि प्रहरी युवतीको घर पुगेको छ ।

११ महीनाको अवधिमा ६४ मानवअधिकार उल्लङ्घनका घटना

बुधबार लगातार आफूमाथि भएको यौन हिंसाको भिडियो सार्वजनिक गरेपछि कारबाही हुने आशामा रहेकी उनले कानुन प्रावधानका कारण कारबाह नहने संकेत पाएपछि पुनः अर्को भिडियो सार्वजनिक गरेकी थिइन् ।

एक सौन्दर्य प्रतियोगिताको उपविजेता रहेकी ती युवतीलाई आयोजकले सात वर्षअघि नशालु पदार्थ खुवाएर बलात्कार गरेको र पति भिडियो र फोटो देखाउँदै पटकपटक बलात्कार गरेको खुलासा गरेकी थिइन ।

विद्यमान कानुनमा जवर्जस्ती करणीको जाहेरी घटना घटेको एक वर्षभित्र दिइसक्नुपर्ने प्रावधान छ । यसको बिरोधमा आज बालुवाटारमा प्रदर्शन पनि भएको थियो भने संसदमा आवाज पनि उठेको थियो ।

शुक्रबार नेपाली कांग्रेस महामन्त्री एवं सांसद गगन थापाले यो घटनाको तत्काल छानबिन थाल्न सरकारसँग अनुरोध गर्नुभएको थियो । थापाको अनुरोधपछि सभामुख अग्नि सापकोटाले पनि छानविन गर्न सरकारलाई निर्देशन दिनुभएको थियो ।

चौतर्फी आवाज उठेपछि पीडित युवतीको घरमा प्रहरी पुगेको छ । काठमाडौं उपत्यकामा हुने जघन्य प्रकृतिको अपराध अनुसन्धान गर्ने उपत्यका अपराध अनुसन्धान कार्यालयका एसपी कृष्ण कोइरालाको नेतृत्वमा काउन्सिरलसहितको टोली उनको घरमा पुगेको छ ।

कार्यालयका प्रमुख एसएसपी वसन्तबहादुर कुँवरले पीडितलाई भेटेर टोलीले कुराकानी गरिरहेको र कानुनी रुपमा कसरी अघि बढ्न सकिन्छ भन्ने पनि छलफल भइरहेको बताउनुभएको छ

बुधबार सामाजिक सञ्जाल टिकटकमार्फत २० वटा भिडियो सार्वजनिक गरेकी युवतीले यसअघि प्रहरीसँग सम्पर्कमा आउन चाहेकी थिइनन् । भिडियो सार्वजनिक भएपछि मानवअधिकारकर्मी र अभियन्ताहरुले उनको खोजी गरेका थिए ।

बालुवाटारमा गुञ्जियो- बलात्कारबिरुद्धको नारा

प्रतिक्रिया राख्नुहोस्

सम्बन्धित खबर

Back to top button