दुबै खुट्टाको घुँडादेखि तलको भाग गुमाएर पनि अदम्य साहस देखाउँदै विश्वको सर्वोच्चच शिखर सगरमाथाको आरोहण गर्न सफल हरिबहादुर बुढामगरलाई सरकारले विमानस्थलमै पुगेर सम्मान गर्नुपर्न माग गरिएको छ ।
वसन्त ऋतुको जारी आरोहणमा बुढामगरले यही जेठ ५ गते दिउँसो तीन बजे सगरमाथाको चुचुरोमा पुगेर बुढामगर सगरमाथाको चुचुरो चुम्ने पहिलो घुँडा माथिबाट दुवै अङ्ग विच्छेदन व्यक्तिको विश्व रेकर्ड कायम गर्नुभएको छ ।
उहाँको यो कीर्तिमानका सम्मानको माग गर्दै आइतबार प्रतिनिधिसभा बैठकमा रोल्पाबाट निर्वाचित सांसद ईश्वरी घर्तीले बुढामगर बुढामगरलाई सरकारले एयरपोर्टमै पुगेर सम्मान गर्नुपर्ने माग गर्नुभएको हो ।
रोल्पाको थवाङ गाउँपालिका ३ मिरुल निवासी बुढामगर यही जेठ ५ गते दिउँसो ३ बजे सगरमाथाको चुचुरोमा पुग्नुभएको थियो । ब्रिटिश गोरखा सैनिकमा कार्यरत रहँदा उनले अफगानिस्तानको लडाइँमा दुवै खुट्टा गुमाउनुभएको थियो ।
प्रतिक्रिया राख्नुहोस्