गैरआवासीय नेपाली संघ (एनआरएनए) जापान चीवा क्षेत्रीय समितिको अगुवाईमा कोरोना संक्रमणबाट पीडित नेपालीहरूको सहयोगार्थ करिव एघार लाख येन रवि लामिछाने फाउण्डेशनलाई हस्तान्तरण गरिएको छ ।
फुनाबाशी हेल्प डेक्स, जनसहयोग जापान ग्रुप र विश्वदर्शन संगको सहकार्यमा हाल नेपालमा कोरोना बिरुद्द जुटिरहेका रवि लामिछाने फाउण्डेसनलाई दुई सातासम्ममा संकलित रकम १० लाख २८ हजार ३०५ रूपैयॅा एक समारोहका बीच हस्तान्तरण गरिएको हो ।
चीवाको फुनावासीमा आयोजित एक समारोहका बीच एनआरएनए जापानका युवा उपाध्यक्ष नवीन निउरे, चीवा क्षेत्रीय सिमितका संयोजक विश्व सुवेदी, फुनाबाशी हेल्प डेक्स र जनसहयोग जापान ग्रुपका पदाधिकारीहरूले संयुक्त रूपमा रकम हस्तान्तरण गर्नु भएको हो ।
आर्थिक संकलन समितिका संयोजक समीरजंग खडकाले अभियानमा सहयोग गर्ने सबैलाई धन्यवाद दिदै कोरोना कहरमा नेपालमा परेको विषम परिस्थितिमा आगामी दिनमा समेत थप सहयोग गर्न तत्पर रहेको जानकारी दिनुभयो । कार्यक्रमको संचालन एनआरएनए चीवाका सहसचिव शंकर सुवेदीले गर्नुभएको थियो ।
प्रतिक्रिया राख्नुहोस्