अर्थ

थाहा छ कुवेती दिनार १ बराबर नेपाली ४०४ रुपैयाँ पर्छ

विश्वभर चल्ने साझा मुद्राका रुपमा अमेरिकी डलर रहेको छ । तर, अमेरिकी डरभन्दा २ सयभन्द्या बढी प्रतिशत शक्तिशाली मुद्रा एसियाली देशहरुको रहेको छ ।

नेपाल राष्ट्र बैंकले सार्वजनिक गर्ने गरेको विदेशी विनिमय दर अनुसार नेपालमा कारोबार हुने सबभन्दा महंगो मुद्रा कुवेती दिनार हो । मंगलबारको दर अनुसार १ कुवेती दिनार खरीद मूल्य ४०४ रुपैयाँ ३३ पैसा छ भने विक्री मूल्य ४०६ रुपैयाँ १६ पैसा छ ।

अमेरिकी डलर, यूरो, पाउण्ड स्टर्लिङ्ग, जापानी येन, चिनियाँ युआन र अन्य जस्ता ठूला अर्थतन्त्रहरूलाई प्रतिनिधित्व गर्ने मुद्राहरूको विरुद्धमा कुवेती दिनार विश्वको विनिमय दरको शीर्षमा छ ।

दिनार संसारको सबैभन्दा महँगो मुद्रा भए पनि, स्थिर कुवेती अर्थतन्त्र विश्वव्यापी रूपमा सबैभन्दा ठूलो वा द्रुत बृद्धि भएको नभएकाले यसको ठूलो प्रभाव भने छैन ।

मंगलबार अमेरिकी डलर एकको खरिददर १२३ रूपैयाँ ७३ पैसा र बिक्रीदर १२४ रूपैयाँ ३३ पैसा पुगेको छ । विश्व अर्थतन्त्रमा प्रचूर प्रभाव पार्ने अमेरिकी डलर भए पनि विश्वका शक्तिशाली मुद्रा भने कुवेती दिशार, बहराइन दिनार रहने गरेका छन् ।

मंगलबारको विनिमय दर अनुसार बहराइन दिनार एकको खरिददर ३२८ रूपैयाँ २० पैसा र बिक्रीदर मा ३२९ रूपैयाँ ७९ पैसा कायम गरिएको छ ।

नेपाल राष्ट्र बैंक र बैंक तथा वित्तीय संस्थाहरूले निर्धारण गर्ने विदेशी मुद्राको विनिमय दर फरक हुन सक्ने नेपाल राष्ट्र बैंकले जनाएको छ ।

तर भारतीय मुद्राको विनिमय दर भने नेपाल राष्ट्र बैंकले निर्धारण गरे बमोजिम नै हुन्छ, जुन अन्य बैंक तथा वित्तीय संस्थाहरूले फरक हुने गरी निर्धारण गर्न सक्दैनन्।

प्रतिक्रिया राख्नुहोस्

सम्बन्धित खबर

Back to top button