राजनीति

राजनीतिक दल ठीक ढङ्गले चल्न नसके धेरै बालेन जन्मने छन् : खनाल

पूर्वप्रधानमन्त्री तथा नेकपा एकीकृत (समाजवादी)का वरिष्ठ नेता झलनाथ खनालले अब राजनीतिक दल ठीक ढङ्गले चल्न नसके धेरै बालेन जन्मने र राजनीतिक दलको अस्तित्व समाप्त हुँदै जाने चेतावनी दिनुभएको छ ।

प्रतिनिधिसभाको आजको बैठकमा सरकारको आगामी वर्ष २०७९्/०८० को नीति तथा कार्यक्रममाथि छलफलमा भाग लिँदै उहाँले सो कुरा बताउनुभएको हो ।

बैठकमा नेता खनालले चीनले १० वर्षअघि नै गरिबी निवारण गर्यो, जम्मा दुई करोड ९२ लाख भएको जनसङ्ख्यालाई गरिबी उन्मूलन गरेर जान किन सकिदैन ? अवश्य सकिन्छ भन्दै यसका लागि दल र नेताहरुले सही नीति लिनुपर्ने बताउनुभयो ।

त्यसै गरी उहाँले नेपालको सिमाना सुरक्षा, नेपालको भूमि संरक्षण गर्नुपर्ने विषयमा राष्ट्रिय सहमति जुटाउन जरुरी भएको पनि बताउनुभयो ।

उहाँले भन्नुभयो “राष्ट्रिय हितमा सगरमाथा जस्तै अटल भएर उभिन सक्नुपर्छ, यस्तो परराष्ट्रनीति जरुरी छ । अब कूटनीतिक कुरा गर्ने होइन, राष्ट्रिय सहमतिबाट हाम्रो भूमि र सीमाको संरक्षण गर्नुपर्छ ।”

त्यसै गरी उहाँले भूमि सुधारको कुरा नीति तथा कार्यक्रम नभएको उल्लेख गर्दै भन्नुभयो, “भूमिसम्बन्धी तथ्याङ्क हामीसँग अध्यावधिक छैन, कुनै पनि ठाउँबाट क्लिक गर्दा हेर्न सकिने गरी बनाउनुपर्छ ।”

उहाँले राष्ट्रिय सम्पत्तिको संरक्षण गर्नुपर्ने र देशमा उद्योगधन्दा सञ्चालनका विषयलाई ध्यान दिनुपर्नेमा जोड दिनुभयो । “नेपाल पर्यटन र प्राकृतिक सुन्दरताका हिसाबले विश्वकै सबैभन्दा सुन्दर देश हो” ।

उहाँले थप्नुभयो, “लुम्बिनीकै विकास गर्नसके पनि धेरै धार्मिक पर्यटक भित्र्याउन सकिन्छ तर त्यसको एकीकृत योजना बनाएर विकास गर्न सकिएको छैन ।”

उहाँले विश्वभरिका पर्यटक नेपालमा भित्र्याउनेस्थलको पनि विकास गर्न नसक्नुका कारण आफ्नो मान्छे भर्ना गरेर लाभ लिन खोजेका कारण त्यस्तो भएको बताउनुभयो ।

सरकारको आगामी नीति तथा कार्यक्रममा प्रगतिशील कर प्रणाली ल्याउन नसकेको उल्लेख गर्दै उहाँले समाजवादको पक्षधरले त्यो कुरामा ध्यान दिनुपर्नेमा जोड दिनुभयो ।

नेता खनालले देशको मालिक जनतालाई बनाउन सूचना प्रविधि, तालिम भित्र्याउनुपर्नेमा जोड दिँदै नीति तथा कार्यक्रममा कला, साहित्य र संस्कृतिकको विकासका बारेमा केही पनि लेखेको बताउनुभयो ।

“सभ्य समाजका लागि कला, साहित्य र संस्कृतिको विकास गर्न जरुरी छ, यसमा सरकारले गम्भीरतापूर्वक ध्यान दिनुपर्छ”, उहाँले भन्नुभयो, “मुलुकको आर्थिक, सामाजिक, राष्ट्रिय सुरक्षाका नीति, विदेश नीति बनाउनुपर्छ ।”

उहाँले भन्नुभयो, “नेपालको भूूमि र सीमा संरक्षण गर्ने कुरामा राष्ट्रिय सहमति जुट्न जरुरी भएको बताउनुभयो ।

प्रतिक्रिया राख्‍नुहोस्

सम्बन्धित खबर

Back to top button

Adblock Detected

Please turn off the Ad Blocker go get the website work properly.