जापानमा एक पर्यटकलाई कोरोना भाइरस संक्रमण पुष्टि भएपछि तीन सातादेखि खुला गरिएको पर्यटक आगमन बन्द हुनसक्ने आशंका भैरहेका बेला सरकारले त्यस्तो कुनै योजना नभएको बताएको छ ।
मंगलबार मन्त्रिपरिषदका मुख्यसचिव हिरोकाजु मात्सुनोले एकजना पर्यटकमा संक्रमण पाइए पनि गत जुन १० देखि खुला गरिएको पर्यटन गतिविधिमा कुनै परिवर्तन नगरिएको बताउनुभएको हो ।
मात्सुनाले मंगलबार संवाददाताहरुसंग मंगलबार एकजनामा संक्रमण देखिए पनि बुधबारदेखि जापान आउनेहरुको संख्या कटौती गर्ने वा पूर्व योजनामा पुनर्विचार गर्नेबारेमा आफूले केही जानकारी नपाएको पनि बताउनुभयो ।
जापान पर्यटन एजेन्सीले संक्रमित व्यक्ति गत शुक्रबार थाइल्याण्डबाट आएपछि दक्षिण पश्चिम जापानको ओइता प्रान्तमा बसेका थिए । सो भ्रमणमा चारजना रहेका थिए र उनीहरुलाई त्यहाँबाट बाहिर निकालिएको छ ।
संक्रमित व्यक्तिमा हल्का लक्षण देखिएको र उसको एक होटलमा अलग्गै राखेर उपचार भैरहेको छ भने उनीसंगै रहेका तीनजनालाई होटल क्वारेन्टिनमा राखिएको छ ।
प्रतिक्रिया राख्नुहोस्