इलाम, चुलाचुली गाउँपालिका-५ चपेटीस्थित रतुवा खोला पार गर्ने क्रममा खोलामा आएको बाढीले दमकदेखि माङ्सेबुङतर्फ जाँदै गरेको लु.१ च ९४९१ नम्बरको बोलेरो गाडी बगाउँदा गाडीमा सवार २ जनाको सोमबार साँझ मृत्यु भएको छ ।
मृत्यु हुनेहरूमा माङ्सेबुङ गाउँपालिका-५ बस्ने ३० वर्षीया सर्मिला वानेम र सोही गाउँपालिका-३ बस्ने निरू लिम्बुको छोरा ३ वर्षीय निहाङ लिम्बु रहेका छन् । बाढीले गाडी बगाइ बेपत्ता भएको भन्ने खबर प्राप्त हुनासाथ इलाका प्रहरी कार्यालय दमक, प्रहरी चौकी पेल्टिमारी र प्रहरी चौकी बाँझो लामिटारबाट खटिएको संयुक्त टोलीले उनीहरूको शव फेला पारेको हो ।
साथै घाइते भएकी निरू लिम्बुको बिएण्डसी अस्पताल झापामा उपचार भइरहेको छ । प्रहरीले बोलेरो चालकलाई नियन्त्रणमा लिई यस सम्बन्धमा थप अनुसन्धान गरिरहेको छ ।
प्रतिक्रिया राख्नुहोस्