राजनीति

मन्त्री आलेद्वारा गरेको बाचा पूरा, सर्वजित निर्माणका लागि पाँच महिनाको तलब हस्तान्तरण

संस्कृति, पर्यटन तथा नागरिक उड्डयनमन्त्री प्रेमबहादुर आलेले गरेको बाचा पूरा गर्नुभएको छ । उहाँले यसअघि घोषणा गरेअनुसार चलचित्र ‘सर्वजित’ निर्माणका लागि आफ्नो पाँच महिनाको तलब सहयोग गर्नुभएको छ ।

मंगलबार मन्त्रालयमा उक्त चलचित्र निर्माणका निर्देशक दिनेश डिसीसहितको टोलीलाई मन्त्री आलेले आफ्नो पाँच महिनाको तलब कर कट्टी गरी रु दुई लाख ८० हजार ९०० प्रदान गर्नुभएको हो ।

‘सर्वजित’ नामक चलचित्र दलित आन्दोलनका बागलुङका अगुवा भगत सर्वजित विश्वकर्माको जीवनमा आधारित हुने बताइएको छ । उक्त चलचित्र दलित महिला केन्द्र नेपालले निर्माण गर्ने तथा डिसीले निर्देशन गर्नुहुने भएको छ ।

जातीय छुवाछूत अन्त्यका लागि भगत सर्वजित विश्वकर्माले गरेका आन्दोलन तथा कामलाई उक्त चलचित्रमा समावेश गरिने दलित महिला केन्द्रले जनाएको छ । उक्त चलचित्र निर्माणका लागि रु एक करोड २५ लाखको लागत लाग्ने अनुमान गरिएको छ ।

प्रतिक्रिया राख्नुहोस्

सम्बन्धित खबर

Back to top button