राजनीति

मन्त्रिपरिषद हेरफेर पाँच नयाँ अनुहारको प्रवेश

लामो समयको रस्साकस्सीपछि नेकपा समाजवादीका चार मन्त्री र एक राज्यमन्त्री फेरिएका छन् । राष्ट्रपति विद्यादेवी भण्डारीले आइतबार मन्त्रिपरिषद् हेरफेर र कार्यविभाजन गर्नुभएको हो ।

प्रधानमन्त्री शेरबहादुर देउवाको सिफारिसमा मन्त्रिपरिषद्को हेरफेर र कार्यविभाजन गर्नुभएको जानकारी राष्ट्रपति कार्यालयका प्रवक्ता सागर आचार्यले जानकारी दिनुभयो।

कार्यविभाजन अनुसार पाँच जना नयाँ अनुहार मन्त्रिपरिषद्‍मा समावेश भएका छन्। जीवनराम श्रेष्ठ संस्कृति, पर्यटन तथा नागरिक उड्डयन, मेटमणि चौधरी शहरी विकास, भवानीप्रसाद खापुङ स्वास्थ्य तथा जनसंख्या र शेरबहादुर कुँवर श्रम, रोजगार तथा सामाजिक सुरक्षा मन्त्री बन्नुभएको छ।

त्यसैगरी मन्त्रिपरिषद्‍मा स्वास्थ्य राज्यमन्त्रीको जिम्मेवारी हिराचन्द्र केसीले पाउनुभएको छ। मन्त्रिपरिषद् हेरफेरपछि प्रधानमन्त्री, २० मन्त्री र तीन राज्यमन्त्री रहनुभएको छ।

नवनियुक्त मन्त्रीको शपथ सोमबार बिहान ११ बजे हुने जानकारी राष्ट्रपतिका प्रमुख स्वकीय सचिव डा। भेषराज अधिकारीले दिनुभयो।

को को बाहिरिए ?

नेकपा ९एकीकृत समाजवादी०को तर्फबाट मन्त्री बन्नुभएका प्रेमबहादुर आले, रामकुमारी झाँक्री, विरोध खतिवडा र किसन श्रेष्ठलाई बिदा गर्दै प्रधानमन्त्री देउवाले पाँच जना नयाँ अनुहारलाई नियुक्त गर्नुभएको हो।

यसअघि आले संस्कृति, पर्यटन तथा नागरिक उड्डयन, झाँक्री शहरी विकास, खतिवडा स्वास्थ्य तथा जनसंख्या र श्रेष्ठ श्रम, रोजगार तथा सामाजिक सुरक्षा मन्त्रीको जिम्मेवारीमा हुनुहुन्थ्यो ।

एकीकृत समाजवादीले पार्टीबाट मन्त्री बनेका नेतालाई फिर्ता बोलाएर नयाँ अनुहार पठाएको हो । शनिबार मात्र बसेको केन्द्रीय समितिको बैठकले मन्त्री फिर्ता बोलाउने सचिवालय बैठकको निर्णयलाई पारित गरेको थियो

प्रतिक्रिया राख्नुहोस्

सम्बन्धित खबर

Back to top button