राष्ट्रिय स्वतन्त्र पार्टी (रास्वपा)का निलम्बित महामन्त्री डा. मुकुल ढकाललाई पार्टीको साधारण सदस्यसमेत नरहने गरी निष्कासन गर्न रास्वपाको अनुशासन आयोगले सिफारिस गरेको छ ।

गत बुधबार बसेको रास्वपा केन्द्रीय समिति बैठकले महामन्त्री मुकुल ढकाललाई एक साता निलम्बन गर्ने निर्णय गरेको थियो । थप कारबाहीको सिफारिस गर्न अनुशासन आयोगलाई पार्टीले निर्देशन दिएको थियो ।

सो सिफारिसबारे जारी केन्द्रीय समिति बैठकमा छलफल भइरहेको छ । आयोगको सिफारिसमाथि छलफल गरेर केन्द्रीय समितिले आवश्यक निर्णय लिनेछ ।

लमहामन्त्री ढकालले आफ्नो देश दौडाहाको प्रतिवेदनमा पार्टीमा सभापति रवि लामिछाने हावी भएको, जथाभावी बोलेको, कुरा अनुसार काम गर्न नसकेको लगायतका कमजोरीहरु औंल्याउनुभएको थियो ।

केन्द्रीय कमिटी बैठकमा ढकालले आफ्नो प्रतिवेदन पेश नगरी मुखमा कालो टेप बाँधेर बस्नु, बैठकमा पेश गर्नुपर्ने प्रतिवेदन संचार माध्यममा दिएर अनुशासनहीन काम गरेको आरोप लागेको छ ।

रास्वपा महामन्त्री एवं प्रवक्ता डा ढकाल निलम्बित

रास्वपा बैठकमा महामन्त्री ढकालको मुखमा कालोपट्टी