कसैको घरमा कामदारका रुपमा कोही व्यक्ति बस्छ भने मान्न सकिन्छ कि उसको आर्थिक अवस्था कमजोर छ र बाँच्नकै लागि नोकर बनेको हुन्छ ।
तर, कोही कोही नोकर यस्ता पनि हुन्छन् जसको बैंक खातामा अर्बौं रुपैयाँ हुन्छ । यस्तै अवस्था भेटिएको छ बंगलादेशी प्रधानमन्त्री हसिनाको घरमा पाहुनालाई पानी पिलाउने सेवकको ।
बंगलादेशकी प्रधानमन्त्री शेख हसिनाका सेवकसँग २ सय ८४ करोड रुपैयाँको सम्पत्ति छ । उनीसँग एक निजी हेलिकप्टर छ र यसलाई उनी कहीं पनि यात्रा गर्न प्रयोग गर्छन् ।
ढाका ट्रिब्यूनका अनुसार उक्त नोकरको नाम जहाँगीर आलम हो । उनी प्रधानमन्त्री हसिनाको घरमा आएका पाहुनालाई पानी पिलाउने काम गर्थे ।
जहाँगीरले हसिनाको कार्यालय र घरमा भएको काम गराइदिने बहानामा धेरैजनासँग पैसा असुल्ने गरेको खुलासा भएको छ । यो कुरा बाहिर आएपछि प्रधानमन्त्री हसिनाले तत्काल कारबाही गर्न निर्देशन दिए पनि जहाँगीर यसअघि नै अमेरिका भागिसकेको ढाका ट्रिब्युनको रिपोर्टले जनाएको छ ।
बंगलादेशमा पूर्व सेना प्रमुख, प्रहरी अधिकारी, कर अधिकारी र धेरै सरकारी कर्मचारीहरूको भ्रष्टाचारका मुद्दाहरू सूची बाहिर आएपछि प्रधानमन्त्रीका सेवकको नाम पनि परेको छ ।
सामान्य बंगलादेशीले यति कमाउन १३ हजार वर्ष लाग्छ
आफ्नो सेवकको यति धेरै सम्पत्ति भएपछि प्रधानमन्त्री हसिनाले भनिन्, ‘मेरो घरमा काम गर्ने व्यक्ति आज करोडौंको सम्पत्तिको मालिक छ, उसले यति पैसा कहाँबाट कमाए थाहा छैन । बंगलादेशीले यति धेरै सम्पत्ति कमाउन १३ हजार वर्ष लाग्नसक्छ, सरकारले यस विषयमा गम्भीरतापूर्वक अनुसन्धान गरिरहेको छ ।
वास्तवमा विश्व बैंकका अनुसार १७ करोड जनसंख्या भएको बंगलादेशमा प्रतिव्यक्ति आय २.११ लाख रुपैयाँ छ । शेख हसिनाका सेवक भ्रष्टाचारमा संलग्न रहेको खुलासा भएदेखि नै प्रतिपक्षले सरकारको विरोध गरिरहेको छ ।
बंगलादेशी नेसनलिस्ट पार्टी (बीएनपी)का प्रवक्ता वाहिदुज्जमानले भने कि हसिनाको सेवकसँग यति धेरै पैसा हुँदा, उनको मालिकको कति छ भनेर अनुमान गर्न सकिँदैन ।
हसिनाका निकट सहयोगीहरू भ्रष्टाचारका मुद्दामा घेरिएका छन्
प्रधानमन्त्री हसिनाले जनवरीमा चौथो पटक सत्तामा आएपछि धेरै भ्रष्टाचारका मुद्दा बाहिर आएका छन् । बंगलादेशको भ्रष्टाचार विरोधी आयोगले हालै देशका पूर्व राष्ट्रिय प्रहरी प्रमुख बेनजिर अहमदविरुद्ध अनुसन्धान सुरु गरेको छ ।
कुनै समय हसिनासँग नजिक रहेकी बेनजीरमाथि करोडौंको सम्पत्ति रहेको आरोप छ, जुन उनले भ्रष्टाचार गरेर जम्मा गरेका हुन् । अमेरिकाले २०२१ मा अहमदमाथि धेरै प्रतिबन्धहरू पनि लगाएको थियो । उनीमाथि सयौं व्यक्तिलाई बेपत्ता पारेको र हत्याका घटनामा संलग्न रहेको आरोप थियो ।
यसैबीच बंगलादेशका स्थानीय पत्रिकाहरूले देशका पूर्व सेना प्रमुख अजिज अहमदमाथि भ्रष्टाचारको आरोप पनि लगाएका छन् । उक्त रिपोर्ट बाहिर आएपछि भ्रष्टाचार विरोधी आयोगले अजिजको धेरै सम्पत्ति जफत गरेको थियो । यसबाहेक उनको बैंक खाता पनि रोक्का गरिएको छ ।
प्रतिक्रिया राख्नुहोस्