गत आर्थिक वर्षमा मर्यादा विपरीत काम गर्ने नेपाल प्रहरीका २ हजारभन्दा बढी प्रहरी कर्मचारी कारबाहीमा परेका छन् । यसरी कारबाही पर्नेमध्ये तल्लो दर्जाका प्रहरी जवान सबैभन्दा बढी छन् ।
नेपाल प्रहरीका केन्द्रीय प्रवक्ता तथा डीआईजी विनोद घिमिरेले आर्थिक वर्ष २०८१र८२ को तथ्यांकअनुसार २ हजार ७३ जना प्रहरी कर्मचारी कारबाहीमा परेको जानकारी दिनुभएको हो ।
आइतबार प्रहरी प्रधान कार्यालयमा भएको पत्रकार सम्मलेनमा बोल्दै घिमिरेले २ हजार ७३ प्रहरी कारबाहीमा पर्दा प्रहरी जवानमात्रै ९ सय २४ जना छन् । त्यसैगरी प्रहरी सहायक हवल्दार ४२०, प्रहरी हवल्दार ३४५ कारबाहीमा परेका बताउनुभयो ।
असई १७३, सर्य ६९, वरिष्ठ हवल्दार ६०, कार्यालय सहयोगी ३९, इन्स्पेक्टर ३०, वरिष्ठ सई ९, एसएसपी १ र डीएसपी ३ जना कारबाहीमा परेका छन् ।
यसै गरी उहाँले एक वर्षमा नेपाल प्रहरीका विभिन्न सुरक्षाकर्मीविरुद्ध तीन हजार सात सय ५३ भन्दा बढी उजुरी परेको रतीमध्ये ८१ प्रतिशत पछ्यौंट भएको र ७ सय उजुरी छानबिनकै क्रममा रहेको बताउनुभयो ।
प्रतिक्रिया राख्नुहोस्