अमेरिकाको न्युयोर्कमा स्थापित ग्लोबल नेपालीद्वारा स्थापित ‘ग्लोबल हिरो अवार्ड’बाट यस वर्षको राप्रपाका प्रमुख सचेतक ज्ञानेन्द्र शाही र नेपाल विद्यत् प्राधिकरणका पूर्व कार्यकारी निर्देशक कुलमान घिसिङलाई सम्मान गरिएको छ ।
अमेरिकाको न्युयोर्क शहरमा आयोजित भव्य समारोहमा शाही र घिसिङको राष्ट्र निर्माण र जनसेवामा पुर्याएको योगदानको कदर स्वरूप यो अवार्ड प्रदान गरिएको हो ।
न्युयोर्कमा आयोजना भएको यो कार्यक्रममा नेपाली डायस्पोराका साथै विभिन्न क्षेत्रका विशिष्ट व्यक्तित्वहरूको उल्लेख्य उपस्थिति रहेको थियो ।
अवार्डपछि शाहीले विदेशमा हुने सबै नेपालीहरुप्रति आभार व्यक्त गर्दै अवार्डको श्रेय जुम्ली, कर्णालीका साथै देश विदेशमा रहेका सुशासनको पक्षमा बोल्ने नेपालहरुप्रति समर्पित गरेको बताउनुभयो ।
त्यसै गरी नेपाल विद्युत प्राधिकरणका पूर्व कार्यकारी निर्देशक घिसिङले अवार्डका लागि आभार व्यक्त गर्नुभयो । ग्लोबल नेपालीले नेपाली प्रतिभा र राष्ट्रका लागि समर्पित व्यक्तित्वहरूलाई अन्तर्राष्ट्रिय मञ्चमा चिनाएर उनीहरूको योगदानलाई उच्च कदर गर्दै आएको छ।
प्रतिक्रिया राख्नुहोस्