राष्ट्रपति विद्यादेवी भण्डारीले सन्देशसहित फिर्ता पठाएको नागरिकता विधेयक संसदबाट हुबहु पास गरेर प्रमाणिकरणका लागि पठाउने सत्ता गठबन्धनले निर्णय गरेको छ ।
सत्ता गठबन्धनले फिर्ता भएको विधेयकमा कमा वा रेफ मात्रै फेर्दा पनि राष्ट्रपतिले चालेको कदम सही ठहरिने भएकाले राष्ट्रपतिलाई नै गलत ठहर्याउन हुबहु पास गरेर पठाउने निर्णय गरेको हो ।
संघीय संसदले पास गरेको नागरिकता विधेयकलाई राष्ट्रपति विद्यादेवी भण्डारीले आइतबार साँझ १५ बुँदे सन्देशसहित प्रतिनिधिसभामै फिर्ता पठाउनुभएको थियाृ ।
उहाँले अंगीकृत नागरिकताको विषय उठाउँदै आमाको नाममा नागरिकता लिँदा गर्नुपर्ने स्वघोषणाको व्यवस्थामा प्रश्न गर्नुभएको छ । फिर्ता भएको विधेयक मंगलबार संसदमा पेश भएको छ ।
संसदमा विधेयक पेश भए लगत्तै बसेको प्रधानमन्त्री निवास बालुवाटारमा बसेको बसेको सत्तारुढ पाँच दलको बैठकले नागरिकता विधेयक हुबहु पास गर्ने र प्रमाणीकरणका लागि राष्ट्रपतिकहाँ पठाउने निर्णय गरेको हो ।
सत्ता गठबन्धनले अर्थ बाहेकका विधेयक पुनर्विचार गर्नुपर्ने लागेमा फिर्ता पठाउनसक्ने संवैधानिक व्यवस्था भए पनि नागरिकता विधेयकमा राष्ट्रपतिले राजनीतिक कदम चालेको विश्लेषण गरेको छ ।
प्रतिक्रिया राख्नुहोस्