जापानी गैरसरकारी संस्था परियोजनाहरूका लागि अनुदान सहयोग अन्तर्गत धनकुटा जिल्लाको छथर जोरपाटी गाउँपालिकामा सिन्धुवा छथर जोरपाटी सामुदायिक पुस्तकालय तथा स्रोत केन्द्र निर्माण भएको छ ।
पुस्तकालय र स्रोत केन्द्रको गत अगष्ट ३१ मा जापानी राजदूतावासका नियोग उपप्रमुख तामुरा ताकाहिरोको उपस्थितिमाको उद्घाटन गरिएको छ ।
परियोजना जापानी गैरसरकारी संस्था शान्ति स्वयंसेवक संघले कार्यान्वयन गरेको छ । यस परियोजनाले कोशी प्रदेशका जनताको व्यवसायिक अवसर र जीविकोपार्जनमा सुधार ल्याउने उद्देश्यले कुल तीनवटा पुस्तकालय र स्रोत केन्द्रहरू स्थापना गरिएको हो।
यसबाट स्थानीय जनताले साक्षरता, सञ्चार र समस्या समाधान जस्ता हस्तान्तरण योग्य सीपहरू, साथै व्यावसायिक र आधारभूत सीपहरू सिक्न सक्छन् ।
सिन्धुवा छथर जोरपाटी सामुदायिक पुस्तकालय तथा स्रोत केन्द्रमा पुस्तकालय, तालिम कक्ष, कम्प्युटर कक्ष, बैठक कोठा, बालबालिका, युवा तथा महिलाका लागि कोठा जस्ता सुविधाहरु रहेका छन् र केन्द्रमा विभिन्न तालिम तथा कार्यक्रमहरु सञ्चालन भइरहेका छन् ।
यस अवसरमा तमुराले परियोजनामा संलग्न सबैको प्रयासलाई बधाई तथा प्रशंसा गरे र साक्षरता कार्यक्रम, प्राविधिक सीप तालिम, महिला तथा युवा सशक्तिकरण तालिमलगायत नयाँ केन्द्रमा सञ्चालन हुने विभिन्न कार्यक्रमहरूमा सक्रिय रूपमा सहभागी हुन समुदायलाई आग्रह गर्नुभयो ।
तमुराले छतर जोरपाटी गाउँपालिका र सामुदायिक जनप्रतिनिधिको दृढ इच्छाशक्ति र आर्थिक सहयोग लगायतका कारणले नयाँ पुस्तकालय तथा स्रोत केन्द्रको निर्माण सम्भव भएको बताउनुभयो ।
तामुराले पुस्तकालय र स्रोत केन्द्र जनताको जीवनस्तरमा सुधार तथा गाउँपालिका र समुदायको विकासमा योगदान पुर्याउने महत्वपूर्ण सामुदायिक सम्पत्ति बन्ने विश्वास व्यक्त गर्नुभयो । तामुराले यस सहयोगले नेपाल र जापानका जनताबीचको मित्रतालाई थप प्रगाढ बनाउने विश्वास व्यक्त गर्नुभयो ।
प्रतिक्रिया राख्नुहोस्