देशका विभिन्न स्थानबाट मृत अवस्थामा तीन जना फेला परेका छन् । डडेल्धुरा, पर्शुराम नगरपालिका-१० बागथली बस्ने ३२ वर्षीय अम्मर बहादुर बिष्ट सोही ठाउँस्थित बागथली जंगलमा सोमबार मृत अवस्थामा फेला परेका छन् ।
त्यस्तै कास्की, पोखरा महानगरपालिका-२७ कुमालगाउँ बस्ने ४१ वर्षीया बलिमाया थापा कुमाल आफ्नै घरमा आइतबार मृत अवस्थामा फेला परेकी छिन् । यस्तै नवलपरासी पश्चिम, रामग्राम नगरपालिका-१४ ऐचावल बस्ने २८ वर्षीय सुरज हरिजन सोही ठाउँस्थित माछा पोखरीमा आइतबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्