अमेरिकाको टेक्सासको ह्युष्टनमा बसोबास गर्दैआएकी नेपाली विद्यार्थी मुना पाण्डेको हत्या अभियुक्त बबी सिंलाई धरौटीमा रिहा गर्न अदालतले अस्वीकार गरेको छ । सिंलाई ह्यारिस काउन्टी जेलमा राखिएको छ ।

२१ वर्षीय पाण्डेलाई गोली हानी हत्या आरोपमा ५१ वर्षीय सिंविरुद्ध २६२ औं स्टेट डिस्ट्रिक्ट कोर्टमा जघन्य हत्याको अभियोग दायर गरिएको र उनले धरौटीमा रिहा हुन गरेको अपील अस्वीकृत भएको हो ।

अदालतको आदेशमा भनिएको छ, प्रस्तुत गरिएको प्रमाणहरूमा स्पष्ट र बलियो प्रमाणबाट अपराध भएको अभियुक्त दोषी भएको र कानूनको प्रबन्ध भएमा मृत्युदण्डको सजाय हुनसक्ने भएकाले धरौटीमा रिहा गर्न अस्वीकार गरिएको छ ।

बबी सिंविरुद्ध जघन्य हत्याको अभियोग लगाइएको छ । जघन्य हत्याको अभियोग टेक्सासमा हत्याको सबैभन्दा गम्भीर रूप हो, जसमा मृत्युदण्डसम्म हुनसक्ने कानुनी व्यवस्था छ ।

बबी सिंले लुटपाटका क्रममा घातक हतियारको प्रयोग गरी आयशयुक्त तरिकाले मुना पाण्डेको गोली हानी हत्या गरेको अदालती कागजातमा उल्लेख गरिएको छ ।

सेप्टेम्बर ३ मंगलबार बबी सिंलाई अदालतमा पेश गरिने भएको छ । त्यस्तै बबी सिंहविरुद्ध गैर कानुनी रुपमा हतियार बोकेको अर्को अभियोग पनि लगाइएको छ ।

सिंलाई गैरकानुनी रुपमा गाडीमा हतियार बोकेको र हतियार देखिने गरी राखेको अभियोगमा सेप्टेम्बर ५ बिहिबार अदालतमा पेश गरिने भएको छ ।

टेक्सासमा मुना पाण्डेको हत्या गरेको अभियोगमा बबी सिंह शाह पक्राउ