वरिष्ठ नेत्ररोग विशेषज्ञ डा. सन्दुक रुइतले आन्दोलनरत जेनजीलाई सरकार ढलिसकेकाले संयमित भएर देश जोगाउनन र बनाउन अघि बढ्न आव्हान गर्नुभएको छ ।
देशभर व्यापक आगजनी भएपछि सामाजिक सञ्जालमार्फत डा. रुइतले तपाईँहरूले देखाउनुभएको अदम्य साहसका कारणले असहिष्णु र भ्रष्ट राजनीतिक नेतृत्व पछाडि हटिसकेको भन्दै सो आव्हान गर्नुभएको हो ।
उहाँले भन्नुभएको छ, “परिवर्तनका लागि सडकमा विरोध प्रर्दशन गरिरहनुभएका भाइबहिनीहरु, तपाईँहरूले देखाउनुभएको अदम्य साहसका कारणले असहिष्णु र भ्रष्ट राजनीतिक नेतृत्व पछाडि हटिसकेको छ ।”
“यस्तो अवस्थामा सार्वजनिक सम्पत्ति माथि आगजनी गर्नु र नष्ट गर्नु उचित हुँदैन । सार्वजनिक सम्पत्तिको संरक्षण गर्नु हरेक नागरिकको पहिलो दायित्व हो । तसर्थ सार्वजनिक सम्पत्तिको नोक्सानी नगरौँ र गर्न नदिउँ । संयम बनौं । सबै मिलेर देश जोगाउँ, सबै जुटेर देश बनाउँ ।”
प्रतिक्रिया राख्नुहोस्