पार्टीले कारबाही गरेका सांसदहरुलाई पदमुक्त नगरेर सभामुख अग्नि सापकोटाले एमाले फुटाउन सघाएको आरोप लगाउँदै संसद अबरुद्ध गर्दैआएको प्रमुख विपक्षी दल नेकपा एमालेले आज पनि प्रतिनिधिसभाको बैठकमा नाराबाजी सुरु गरेको छ ।
एमालेका सांसदहरुले नाराबाजी गरिरहे पनि सभामुख अग्निप्रसाद सापकोटाले विनियोजन विधेयक अघि बढाउनुभएको छ । एमालेका सांसदहरुले वेल घेरे पनि रोष्ट्रममा नै रहनुभएका अर्थमन्त्री जनार्दन शर्माले विनियोजन विधेयकमाथिको छलपल अघि बढाइयोस् भन्ने प्रस्ताव पेश गर्नुभएको छ ।
बैठक शुरु हुनेवित्तिकै नेकपा एमालेका सांसदहरुले सुरु गरेको नाराबाजी अहिले पनि जारी छ भने बजेटमाथि सामान्य छलफलसंगै पारित गरिएको छ ।
पूर्व तयारी अनुसार नै अर्थमन्त्री शर्मा सुरुमै रोष्टममा बसेर प्रस्ताव पेश गरेको र छलफलमा नेपाल मजदूर किसान पार्टीका सांसद प्रेम सुवालले मात्रै आफ्ना भनाइ राखेपछि प्रतिस्थापन विधेयक प्रस्तावलाई पारित गरिएको छ ।
प्रतिक्रिया राख्नुहोस्