नेपाली बजारमा सुनको मूल्यले नयाँ कीर्तिमान कायम गरेको छ । साताको पहिलो दिन आइतबार सुनको मूल्य बढेर प्रति तोला झण्डै एक लाख ५७ हजार पुगेको छ ।
लगातार उकालो लागिरहेको सुनको मूल्य शुक्रबारको तुलनामा प्रतितोला रु पाँच सयले वृद्धि हुँदै नयाँ उचाईमा पुगेको हो ।
नेपाल सुनचाँदी व्यवसायी महासङ्घका अनुसार शुक्रबार प्रतितोला रु एक लाख ५६ हजार तीन सयमा कारोबार भएको छापावाला सुन आजका लागि भने रु एक लाख ५६ हजार आठ सय निर्धारण भएको छ । यो मूल्य हालसम्मकै उच्च हो ।
यस्तै चाँदीको मूल्य तोलामा रु ४० ले वृद्धि भएको छ । शुक्रबार प्रतितोला रु एक हजार आठ सय ६० मा कारोबार भएको चाँदीको मूल्य आजका लागि भने रु एक हजार नौ सय निर्धारण भएको छ ।
प्रतिक्रिया राख्नुहोस्