राजनीति

घरमा जलाएर खरासी घसेर हिँडेका मान्छेलाई किन एमालेमा बोलाउने ?

पूर्व प्रधानमन्त्री तथा नेकपा एमालेका अध्यक्ष केपी शर्मा ओलीले माधवकुमार नेपालको भ्रममा परेर उता लागेका सबैलाई एमालेमै फर्कन आव्हान गर्नुभएको छ । उहाँले माधवकुमार नेपालले आफ्नै घरमा आगो बालेर घरानी घसेर निस्केको आरोप लगाउँदै त्यस्ता मान्छेलाई पार्टीमा फर्कनुस् नभन्ने समेत बताउनुभयो ।

बिहिबार काठमाडौं जिल्लास्तरीय प्रशिक्षण कार्यक्रमलाई सम्बोधन गर्दै ओलीले तीन वर्ष आफ्नो नेतृत्वको सरकार रहँदा सरकारको बिरुद्धमा प्रतिक्रियावादीभन्दा चर्को बोलेको भन्दै त्यस्ता मान्छेको एमालेमा कुनै काम नभएको समेत बताउनुभयो ।

अध्यक्ष ओलीले उहाँभन्दा अघि बोल्नुभएकी एमाले उपाध्यक्ष एवं बागमती प्रदेशकी मुख्यमन्त्री अष्टलक्ष्मी शाक्यले माधवकुमार नेपाललाई एमालेकै फर्किन आग्रह गर्नु भएपछि सो टिप्पणी गर्नुभएको हो ।

नेपालको आलोचना गर्दै ओलीले भन्नुभयोे, ‘जहिले पनि रोष्टममा उभिएपछि गीत गाउने ‘डुंगा डुब्न लाग्यो, लौन कोही बचाइ देऊ ।’ कम्युनिस्टको दुई तिहाईको सरकार छ, सातमध्ये ६ वटा प्रदेशमा सरकार छ । अनि डुंगा चाहिँ डुब्न लाग्यो र, कसको डुंगा डुब्न लाग्यो ?’

प्रतिक्रिया राख्नुहोस्

सम्बन्धित खबर

Back to top button