सूचना/प्रविधि

फेसबुकले बालबालिकालाई हानी र प्रजातन्त्रलाई कमजोर बनाउने पूर्व कर्मचारीको दावी

विश्वमा सबैभन्दा बढी मानिस आबद्ध भएको सामाजिक सञ्जाल फेसबुकका वेबसाइट र एपहरुले बालबालिकालाई हानि पुर्याउने र विभाजनहरु बढाएर प्रजातन्त्रलाई कमजोर बनाउने फेसबुककै एक पूर्व कर्मचारीको दावी रहेको छ ।

फेसबुकका पूर्व कर्मचारी फ्रान्सिस हवगनले यस विषयमा सवै जानकारी भएता पनि कम्पनीका वरिष्ठ कर्मचारीहरुले मुनाफालाई प्राथमिकतामा राखेको अमेरिकी विधायकहरुलाई जानकारी दिएकी छिन् ।

फेसबुकका प्रडक्ट म्यानेजरकी रूपमा काम गरेकी ३७ वर्षीया फ्रान्सिस हवगनले कम्पनीका गोप्य कुराहरू चुहाएकी बताइएको छ । उनले अमेरिकी संसद् रहेको क्यापिटल हिलमा समेत त्यस विषयमै आलोचनात्मक बयान दिएकी दिइन् ।

यता फेसबुकले भने हवगनले आफूलाई ज्ञान नभएको क्षेत्रबारे बोलेको प्रतिक्रिया दिँदै आफ्नो सुरक्षा गरेको छ । तर उसले एक विज्ञप्तिमार्फत् अब इन्टरनेटमा परिष्कृत नियमहरू ल्याउने समय आएको स्वीकारेको छ ।

मङ्गलबारको सुनुवाइका बेला रिपब्लिकन र डेमोक्र्याट सांसद्हरू उक्त कम्पनीमा परिवर्तन आवश्यक रहेको भन्ने विषयमा एकै ठाउँमा देखिएका थिए ।

प्रतिक्रिया राख्नुहोस्

सम्बन्धित खबर

Back to top button