राजनीति

चैत्रभित्र सबैलाई खोप लगाउने गरी व्यवस्था गर्न प्रधानमन्त्री देउवाको निर्देशन

प्रधानमन्त्री शेरबहादुर देउवाले सरकारले लिएको लक्ष्य अनुसार सबैलाई खोप लगाउने व्यवस्थामा केन्द्रित हुने निर्देशन दिनुभएको छ । नयाँ सरकार गठन भएलगत्तै चैत्र मसान्तसम्म सबै नेपाली नागरिकलाई कोरोनाविरुद्धको खोप लगाइसक्ने सरकारी लक्ष्य रहेको छ ।

बिहीबार बसेको कोभिड–१९ संकट व्यवस्थापन समन्वय केन्द्रको पहिलो बैठकमा प्रधानमन्त्री देउवाले सरकारले लिएको लक्ष्मा केन्द्रित हुन निर्देशन दिनुभएको हो ।

बैठकमा प्रधानमन्त्री देउवाले समन्वय केन्द्र, स्वास्थ्य मन्त्रालय र सम्बन्धित सबै निकायलाई खोपको सुनिश्चितताका लागि निर्देशन दिनुभएको हो ।

तत्कालीन केपी शर्मा ओली नेतृत्वको सरकारले अध्यादेशमार्फत कोभिड–१० सङ्कट व्यवस्थापन केन्द्र (सीसीएमसी) गठन गरेको थियो । तर, सो अध्यादेश निष्क्रिय भएपछि देउवा सरकारले गठन आदेशमार्फत प्रधानमन्त्रीको संयोजकत्वमा कोभिड–१९ सङ्कट व्यवस्थापन समन्वय केन्द्र गठन गरेको थियो ।

त्यस्तै बैठकमा हाल कोरोना महामारीको अवस्था, चाडवाडको बेला सङ्क्रमणमा कस्तो र नेपाल र अन्तर्राष्ट्रिय अवस्था कस्तो छ भन्ने कुरा छलफल भएको थियो ।

यसै गरी, स्वास्थ्य तथा जनसङ्ख्या मन्त्रालयले बैठकमा हालसम्म कुल जनसङ्ख्याको ३४ प्रतिशतले कोभिडविरुद्ध खोपको पहिलो मात्रा र २२ प्रतिशतले दुवै मात्रा खोप लगाएको बारे जानकारी दिएको छ ।

प्रतिक्रिया राख्नुहोस्

सम्बन्धित खबर

Back to top button