सुनाठूलाठूला ठेक्का लिने शैलुङ कन्स्ट्रक्सन कम्पनीले उपत्यकाको ललितपुरस्थित सुनाकोठीको दुई किलोमिटर बाटो ठेक्का सम्झौता बमोजिम निर्माण नगर्दा सो क्षेत्रका बासिन्दा पुनः आन्दोलित भएका छन् । उनीहरुले आइतबारदेखि सडक अबरुद्ध गरेर आन्दोलनमा उत्रेका छन् ।
ललितपुर महानगरपालिका(२७ नम्बर वडाको सुनाकोठी क्षेत्र अहिले धुलाम्य त छ नै, बाटोमा ठूलठूला खाल्डा पनि । सडक निर्माणको ठेक्का पाएको कम्पनीका प्रोप्राइटर शारदाप्रसाद अधिकारी हुन् । सत्तारुढ नेकपाका अध्यक्ष तथा पूर्व प्रधानमन्त्री पुष्पकमल दाहाल प्रचण्ड अधिकारीकै घरमा बस्नुहुन्छ ।
स्थानीयका अनुसार यस्तो बाटोका कारण आवागमन असहज छ, जनताको स्वास्थ्य नै बिग्रिन थालेको छ । वडाध्यक्ष बाबुराजा महर्जनका अनुसार यो बाटो कान्ति लोकपथ अन्तर्गत हो । ललितपुर महानगरपालिका २७ को सुनाकोठीमा मात्र पर्ने बिग्रिएको बाटोको क्षेत्रफल करिब दुई किलोमिटर छ ।
ठेकेदार कम्पनी र सडक विभागबीच यो बाटो २२ मिटर चौडा पार्ने सम्झौता छ । अहिले उक्त बाटो ८ मिटर चौडाको हो । महर्जनका अनुसार तत्कालै २२ मिटर फराकिलो पार्न नसकिए पनि ८ मिटर चौडामा रहेको अहिलेको बाटोलाई मर्मत गरेर जनजीवन सहज पार्न ठेकेदार कम्पनीलाई अनुरोध कति गरियो, गरियो । ठेकेदारले दसैंसम्ममा बाटो पिच गरेर आवागमन सहज पारिदिने बचन दिएका थिए । तर, दसैं सकियो बाटोमा ठेकेदारको मुख देख्न पाएको छैन ।
वडाध्यक्ष र प्रदेश सभा सांसद सम्मिलित बैठकले दबाब दिएपछि शैलुङ कम्पनीले असोज १ गतेदेखि बाटो कालोपत्रे सुरू गर्ने बचन दिएको थियो । ठेकेदार ‘हराए‘पछि अहिले स्थानीयले आन्दोलनका कार्यक्रम नै सार्वजनिक गरेर बाटो बनाउन दबाब दिनु परेको छ ।
ठेकेदार अधिकारीले बाटो नबनाएको विरोधमा आइतबारदेखि आन्दोलनका कार्यक्रम नै सार्वजनिक गर्न बाध्य भएको त्यसक्षेत्रका स्थानीयले बताएका छन् । यसअघि असारमै एक दुई दिन बाटो बन्द गरिएपछि बाटो कालोपत्रे गर्ने शर्त भयो । ठेकेदारले देखावटीको लागि केही दिन काम गर्यो त्यसपछि जस्ताको तस्तै ।
तस्वीर र समाचार स्रोत सेतोपाटी डटकम
प्रतिक्रिया राख्नुहोस्