नेपालगञ्जबाट हुम्लाको सिमकोट उड्ने तयारी गरिहेको सिता एयरको विमान अकस्मात बँदेलसंग ठक्कर खान पुगेको छ । मंगलबार विहान नेपालगञ्ज विमानस्थलको धावनमार्गमा जहाज बँदेलसँग ठक्कर खाएको हो ।
विमानस्थल स्रोतका अनुसार जहाज धावनमार्गमा गुडिरहेको बेला बँदेलसँग ठक्कर खाएको हो । उड्नुअघि धावनमार्गमा गुडिरहेको बेला जहाज बँदेलसँग ठोक्किएको र जहाजको अगाडिको टायरमा प्वाल परेको छ ।
जहाजलाई पार्किङ गरेर राखिएको विमानस्थल स्रोतले जानकारी दिएको छ। यात्रु र चालक सकुशल छन् । करिब आधा घन्टा विमानस्थल बन्द गरिएकोमा अहिले सुचारू भइसकेको छ।
प्रतिक्रिया राख्नुहोस्