जापान

आजबाट जापान प्रवेशमा आंशिक खुला

कोरोना भाइरस संक्रमणका कारण विगत १० महिनादेखि विदेशी नागरिकलाई प्रवेश निषेध गरिएको जापानमा आजबाट आंशिक खुला गरिएको छ । जापान अध्यागमन अधिकारीका अनुसार जापान प्रवेशको अनुमति पाएका ३ लाख ७० हजार जना रहेका छन् ।

तीन महिनासम्म जापानमा बस्ने व्यवसाय, विविध कार्यक्रमका लागि आउनेहरु लगायत विदेशी विद्यार्थी, प्राविधिक प्रशिक्षक लगायत अन्य व्यक्तिहरुका लागि लागू हुनेछ ।

जापान प्रवेश गर्नेहरु विदेशीहरुलाई प्रायोजक कम्पनी वा शिक्षण संस्थाले सम्बन्धित मन्त्रालय तथा निकायद्वारा सफल परीक्षण गराउनु पर्नेछ । विदेशी नागरिकलाई जापान प्रवेश गराउनेहरुले उनीहरुको निगरानीको जिम्मा पनि उनीहरुले नै लिनुपर्नेछ । त्यसै गरी १४ दिन क्यारेन्टाइनको व्यवस्था पनि गर्नेपर्नेछ ।

सरकारले प्रतिदिन ३ हजार ५ सय जनालाई जापान प्रवेशको अनुमति दिनेछ, जसमा विदेशमा रहेका जापानी नागरिक पनि सामेल हुनेछन् । सरकारी अधिकारीहरुले तत्काल तोकिएको सीमाका कारण जापान प्रवेश गर्न प्रतिक्षामा रहेकाहरुलाई केही ढिलाई भने हुनेछ ।

प्रतिक्रिया राख्नुहोस्

सम्बन्धित खबर

Back to top button