प्रबास

पारिजिता बाँस्तोला अर्को चरणमा प्रवेश

विजय थापा । नेपाली मूलकी पारिजिता बाँस्तोला अमेरिकाको चर्चित सांगीतिक रियालिटी सो द भ्वाइसको २२ औ संस्करणमा अर्को चरणमा प्रवेश गर्न सफल भएकी छिन ।

गत नोभेम्बर १४ का दिन भएको १६ जना प्रतियोगीहरुको प्रस्तुतिसंगै परिजिता शीर्ष १३ मा पुगेकी छिन । मेरिल्याण्ड निवासी १७ बर्षिय पारिजिता अब अर्को हप्ता हुने प्रतिस्पर्धामा १३ जना सहभागीसँग भिड्ने छिन । द भ्वाइस प्रतियोगितामा छनौट हुने उनी प्रथम नेपाली अमेरिकी हुन् ।

गत नोभेम्बर १४ सोमबारका दिन भएको प्रस्तुतिसँगै मतदान सुरु भएको थियो । अमेरिका, नेपाल लगायत बिश्वभरि छरिएर रहेका नेपाली समुदायले परिजितालाई समर्थन गर्दै मतदान गरेका थिए ।

द भ्वाइसका निर्णायक र प्रशिक्षकहरुको छनौट र रोजाईको कारण परिजिता शीर्ष १६ मा पुग्न सफल भए तापनि १३ औ स्थानमा पुग्न केवल जनताको मतदानबाट मात्र अर्को चरणमा पुग्ने हुनाले जनताको मतदानबाट परिजिता अर्को चरणमा पुग्न नेपाली समुदायको मत समेतको कारण शीर्ष १३ मा परेकी छिन ।

गत सोमबार परिजिताले भाबुक गीत छनौट गरी अद्वितीय प्रस्तुति गरेकी थिइन् । उन्ले ए स्टार इज बोर्नको लेडी गागाको “आई विल नेवर लभ अगेन” गीत प्रस्तुत गरेकी थिइन् । प्रस्तुति पश्चात चारैजना प्रशिक्षकहरूबाट उभिएर स्ट्यान्डिङ ओभेशन परिजितालाई दिएका थिए ।

परिजिताका प्रशिक्षक जोन लिजेन्डको टोलीमा रहेकी छिन । जोनले परिजिताको गीत प्रस्तुतिले सबैको हृदयमा तान्यो भनि प्रशंसा गरेका थिए । “तपाईले हामी सबैलाई जादू गर्नुभयो र यो शानदार थियो भनि जोनले उभिएर प्रशंसा गरेका थिए ।

गत सोमबारकै दिन मेरील्याण्डको सेभेर्ना पार्क शहरमा परिजिताको एनबिसीबाट प्रसारित प्रत्यक्ष प्रस्तुतिको अवलोकन सहित उनीलाई समर्थन जुटाउन टीम परिजिताको संयोजनमा एक चमेना गृहमा भेलाको आयोजना गरिएको थियो ।

परिजिता जिताउ अभियान अन्तर्गत मेरिल्याण्ड राज्यका केही सांसद ,सिनेटर र मेरिल्याण्ड राज्यकै सांसद डा ह्यारी भण्डारी तथा वाशिंगटन डिसी स्थित नेपाली राजदुताबासका प्रतिनिधि आर्थिक सल्लाहकार होमकान्त भण्डारी सहितले एनबिसीबाट प्रत्यक्ष प्रसारित परिजिताको प्रस्तुति हेरेका थिए । साथै सबैलै परिजितालाई अग्रिम रुपमा बिजयीको शुभकामना सहित उनको बारेमा बोलेका थिए ।

परिजितालाई मतदान गर्ने तरीक़ाः

अमेरिका बाहिरबाट http://Nbc.com/voicevote मा गएर आफ्नो बिधुतिय डाक (ईमेल) प्रयोग गरी आफ्नो परिचय बनाएर (प्रोफाईल क्रियट) गरेर १० पटक सम्म मतदान गर्न सकिने छ भने अमेरिकाबाट App Store/ Play store मा ‘The Voice App’ डाउनलोड गरेर एउटा डिभाईसबाट १० पटक सम्म भोट गर्न सकिन्छ।

प्रतिक्रिया राख्नुहोस्

सम्बन्धित खबर

Back to top button

Adblock Detected

Please turn off the Ad Blocker go get the website work properly.