प्रबास

कविताले पाइन नेभादा विश्वबिद्यालयबाट आणविक जीव विज्ञानमा विद्यावारिधिको छात्रवृत्ति

अमेरिकाको प्रतिष्ठित नेभादा विश्वबिद्यालयबाट नेपाली चेली कविता अधिकारीले विद्यावारिधिको छात्रवृत्ति प्राप्त गरेकी छिन् । कास्कीको भरतपोखरी जामुनाबोट घर भएकी छात्रा कबिता अधिकारीले माइक्रोबायोलोजी अन्तर्गतको “स्कूल अफ मेडिसिनमा सेलुलर र आणविक जीव विज्ञान (सीएमबी) कार्यक्रमका लागि पूर्णरुपको छात्रबृति प्राप्त गरेकी हुन । विश्वविद्यालयलको आधिकारिक स्वीकृतिमा पूर्ण छात्रवृत्ति साहित ग्राजुएट असिस्टेन्टसिप पनि प्राप्त गर्न सफल भएकी कवितालाई विश्वविद्यालयलले पहिलो बर्षमा दश हजार अमेरिकी डलरको बर्नर छात्रवृत्ति लागि पनि मनोनयन गरेको छ ।

विद्यावारिधिको छात्रवृत्तिपछि कविताले भनिन, म खुसी छु कि मेरो परिवारको पहिलो पुस्ता पीएचडी डिग्री गर्न जाँदै छु यसकारण पनि म गर्ब गर्दछु । अब मेरो सपना एक योग्य र दक्ष अनुसन्धानकर्ता बन्ने छ । यो सपना म सोही विश्वविद्यालयलबाट पूरा गर्न जाँदै छु ।



कास्कीको भरतपोखरी स्थित शान्ति उदय माबी बाट २०६३ सालमा एसएलसी उत्कृष्ट अंक ल्याई उतिर्ण भएकी अधिकारीले ,पोखराको जनप्रिय बहुमुखी क्यम्पसबाट स्नातक तथा त्रिभुबन विश्वबिद्यालयको केन्द्रीय क्याम्पसबाट माइक्रोबायोलोजीमा स्नातकोत्तर गरेपछि केही महिना नेपाल बिज्ञान तथा प्रबिधि प्रज्ञा प्रतिष्ठान (नास्ट)मा अनुसन्धान सहायक भएर समेत काम गरेकी थिइन ।

यसै शिलशिलामा अमेरिका पुगेकी उनले छात्रवृतिका लागि निबेदन दिएकी थिईन । उनले सम्बन्धित बिषयमा पीएचडी गर्नलार्इ पहिलो वर्षमा करिब नेपाली रकम ११ लाख बराबरको छात्रवृत्ति प्राप्त गरेको बताएकी छन । यो छात्रवृति हरेक बर्ष निबेदन दिएर पाँच बर्ष सम्म निरन्तर रहनेछ ।

सम्बन्धित खबर

Back to top button