शुक्रबार नेपालमा थप १ हजार ७ सय ३ जनामा कोरोना भाइरस संक्रमण भएको पुष्टि भएको छ । चौबीस घण्टामा दश हजार ४ सय ६० जनाको आरटीपीसीआर परीक्षण गरिएकोमा १ हजार ७ सय ३ जनामा सङ्क्रमण पुष्टि भएको हो । त्यस्तै शुक्रबार थप २३ जनाको मृत्यु भएको छ ।
मन्त्रालयका अनुसार पछिल्लो चौबीस घण्टामा एक हजार २३६ जना सङ्क्रमित निको भएका छन् । हालसम्म दुई लाख नौ हजार ४३५ जना सङ्क्रमित निको भइसकेका छन् । हालसम्म १७ लाख दश हजार ४६० जनाको पीसीआर परीक्षण गरिएको छ ।
शुक्रबार थपिएका सङ्क्रमितसँगै नेपालमा कुल सङ्क्रमितको संख्या दुई लाख २९ हजार ३४३ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पछिल्लो हाल १७ हजार २३७ जनामा भाइरसको सङ्क्रमण सक्रिय छ ।
मन्त्रालयका अनुसार शुक्रबार मृत्यु भएका २३ जना संगै कोरोना संक्रमणबाट एक हजार ४ सय ३५ जनाको मृत्यु भएको मन्त्रालयले जनाएको छ । मन्त्रालयले हाल ६०१ जना क्वारेन्टिनमा रहेको जनाएको छ ।
प्रतिक्रिया राख्नुहोस्