तीन राप्रपा एकीकरणपछि बनेको राष्ट्रिय प्रजातन्त्र पार्टी (राप्रपा)का एक अध्यक्ष कमल थापाले भोलि (मंसिर १५) देखि काठमाडौंमा हुने पार्टीको महाधिवेशनबाट फेरि अध्यक्ष पदमा उम्मेदवारी दिने घोषणा गर्नुभएको छ ।
सोमबार काठमाडौंमा आयोजित उम्मेदवारी घोषणा कार्यक्रममा अध्यक्ष थापाले आफूले नगरी नहुने केही काम बाँकी रहेको र ती काम सम्पन्न गर्न पुनः अध्यक्ष पदमा उम्मेदवारी दिन लागेको बताउनभयो ।
उहाँले भन्नुभयो ‘अधुरा कामलाई अधुरै छाडेर पलायन हुने अनुमति मलाइ छैन । त्यसैले आफूले अध्यक्षहरु पशुपतिशम्शेर जबरा र डा. प्रकाशचन्द्र लोहनी र अरु पुराना नेताहरुको पनि आशिर्वाद लिएर उम्मेदवारी घोषणा गर्न आएको हुँ ।
यसअघि राप्रपाको अध्यक्षमा सो पार्टीका एक मात्र सांसद रहेका नेता राजेन्द्र लिङ्देनले उम्मेदवारी घोषणा गरिसक्नुभएको छ भने महामन्त्रीमा धवलशमशेर जबराले उम्मेदवारीको घोषणा गर्नुभएको छ ।
प्रतिक्रिया राख्नुहोस्