जन सरोकार

गौरादह नगरपालिकाले बुहारीलाई छात्रवृत्ति दिने

झापाको गौरादह नगरपालिकाले बुहारीलाई छात्रवृत्ति उपलब्ध गराउने भएको छ । नगरपालिकाले स्नातक तहसम्मको अध्ययन गर्न चाहने बुहारीलाई छात्रवृत्ति उपलब्ध गराउने भएको हो ।

नगरपालिकाले गौरादह बहुमुखी क्याम्पसलाई छात्रवृत्ति वापतको रकम एकमुष्ट उपलब्ध गराउने भएको नगरपालिकाका प्रमुख छत्रपति सुवेदीले जानकारी दिनुभयो ।

निम्न आय भएका बुहारी शिक्षाबाट बञ्चित हुन नपरोस् भनेर कार्यक्रम शुरु गरिएको उहाँको भनाइ छ । छात्रवृत्तिका लागि बुहारीहरुले बिवाह दर्ताको प्रमाणपत्र, निम्न आय भएको सिफारिस र निवेदन पेस गर्नुपर्नेछ । क्याम्पस प्रमुख हिन्दबहादुर दाहालले नगरपालिकासँग मासिक शुल्क तिर्ने गरी निवेदन माग गरिएको बताउनुभयो ।

उहाँका अनुसार छात्रवृत्तिका लागि करिब एक सय बुहारीहरुले निवेदन पेश गरेका छन् । नगरपालिकाका प्रमुख सुवेदीले यस वर्ष बुहारीहरु र अर्को वर्ष छोरीका लागि छात्रवृत्ति प्रदान गरिने बताउनुभयो ।

प्रतिक्रिया राख्नुहोस्

सम्बन्धित खबर

Back to top button

Adblock Detected

Please turn off the Ad Blocker go get the website work properly.