सरकारले सुन तस्करी रोक्न भन्सार दर घटाएपछि सुनको मूल्य प्रतितोलामा १० हजारभन्दा बढी रुपैयाँ स्वतः कम भए पनि स्थानीय बजारमा सुनको मूल्यमा उतारचढाव जारी छ ।
नेपाल सुनचाँदी व्यवसायी महासङ्घका अनुसार आज बुधबार अन्तरराष्ट्रिय बजारमा सुनको मूल्य बढेसँगै स्थानीय बजारमा प्रतितोला सुनमा रू दुई हजारले वृद्धि भएको छ ।
हिजो मङ्गलबार एकतोला सुन रू एक लाख ५२ हजार २०० मा कारोबार भएको थियो भने बुधबारका लागि एक लाख ५४ हजार २ सय कायम भएको छ ।
महासङ्घका अनुसार चाँदीको मूल्य भने स्थिर छ । आज प्रतितोला चाँदी रू एक हजार ९२५ मा कारोबार भइरहेको छ ।
प्रतिक्रिया राख्नुहोस्