सरकारले कोरोना विरुद्ध खोप ल्याउने तयारी भैरहेको जनाउँदै पहिलो चरणमा जोखिममा रहेका करीब नौ लाख व्यक्तिलाई खोप लगाउने तयारी सहित त्यस्ता व्यक्ति पहिचान गर्न व्यक्तिगत विवरण संकलन सुरु गरेको छ ।
सरकारले पहिलो चरणमा आफू संक्रमित भई अरुलाई समेत सार्न सक्ने जोखिम क्षेत्रमा कार्यरतलाई खोप दिने तयारी गरेको हो । खोपका लागि स्वास्थ्यकर्मी र सामाजिक क्षेत्रमा काम गर्ने नौं लाख जनालाई प्राथमिकता दिइने भएको छ ।
विभागले नेपाल मेडिकल काउन्सिल , नर्सिङ काउन्सिल, स्वास्थ्य व्यवसायी परिषद्, आयुर्वेद काउन्सिल र फार्मेसी काउन्सिललाई पत्राचार गरेर त्यहाँ दर्ता भएका चिकित्सकलगायतका स्वास्थ्यकर्मीको विवरण पनि मागेको छ ।
विश्वका विभिन्न मुलुकहरुमा कोरोना बिरुद्धको खोप दिन सुरु गरिसकेको छ । विश्व स्वास्थ्य संगठनले चारवटा मापदण्ड पूरा गरेको खोपलाई मात्र अनुमति दिए पनि नेपाल सरकारले भने र्दुवटा मापदण्ड पूरा गरेका र विश्व स्वास्थ्य संगठनमा सूचीकृत नभए पनि खोप ल्याउने तयारी गरेको छ ।
प्रतिक्रिया राख्नुहोस्