पछिल्लो समय संघीयताको खारेजी धर्मनिरपेक्षतामा जनमतसंग्रहको माग गर्दैआएको विवेकशील साझा पार्टी र राजतन्त्रसहितको प्रजातन्त्र, हिन्दु राष्ट्र र संघीयता खारेजको मुद्दा बोकेको राष्ट्रिय प्रजातन्त्र पार्टीका अध्यक्षबीच भेटवार्ता भएको छ ।
शुक्रबार राप्रपा अध्यक्ष लिङ्देन र महामन्त्री डा धवलशमशेर राणासहित विवेकशील साझाका अध्यक्ष मिश्रलाई उहाँकै निवासमा र गर्नुभएको भेटवार्तामा पार्टी एकताको प्रस्ताव राखिएको बताइएको छ ।
भेटपछि महामन्त्री डा. राणाले समान विचारधारा भएका पार्टी तथा संघसंस्थासँग मिलेर जाने पार्टीको नीतिअनुरुप मिश्रसँग भेटवार्ता भएको बताउनुभएको छ। राणाले निकट भविष्यमा सकारात्मक दिशातिरमा पुग्ने पनि उल्लेख गर्नुभएको छ ।
त्यसै गरी अध्यक्ष मिश्रले राप्रपा अध्यक्ष र महामन्त्रीसंगको भेटघाटको तस्बिर सामाजिक सञ्जालमा राख्दै लेख्नुभएको छ ‘आज बिहान चियासँगै राप्रपाका नवनिर्वाचित अध्यक्ष राजेन्द्र लिङ्देन तथा महामन्त्री धवलशमशेर राणासँग राजनीति, समाज र यो देशको भविष्यबारे चिन्तापूर्ण तर आशाजनक संवाद भयो। दुबैप्रति आभारी छु ।’
प्रतिक्रिया राख्नुहोस्