अमेरिकामाथि नेपालको ३२ रनको जीत

7 September, 2012 10:22 | खेल | comments | 60750 Views

मलेसियामा जारी आईसीसी लिग डिभिजन ४ क्रिकेट प्रतियोगिता अन्तर्गत आज नेपालले अमेरिकामाथि ३२ रनको विजय हात पार्दै लगातार चौथो जीत गर्दा गरेको छ । नेपाल प्रतियोगिताको एकमात्र अपराजित टोली हो । 

 

  

आजको विजयले नेपालको डिभिजन ३ मा बढुवाको संघारमै पुगेको छ । आजको खेलमा नेपालले टस जितेर पहिले व्याटिङ गर्दै २५८ रन बनाएको थियो । २५९ रनको विजयी लक्ष्य पछ्याएको अमेरिका ४८ दशमलव २ ओभरमा २ सय २६ रन जोड्दा अल आउट भयो । यसअघि नेपालले सिंगापुर, मलेसिया र तान्जनियालाई पराजित गरेको थियो ।

 

नेपाललाई लगातार चौथो जित दिलाउने क्रममा बसन्त रेग्मीले ६ विकेट हात पारे । त्यसै गरी शहक्ति गौचम र संजम रेग्मीले दुई दुई विकेट हात पारेका थिए ।

 

१६ वर्षे नेपाली क्रिकेटको अन्तर्राष्टिय यात्रामा नेपाल आज पहिलोपल्ट डिभिजन ३ पुग्न सक्ने अवसरको नजिक पुगेको छ । यो जितले नेपालको सन् २०१५ मा हुने विश्व कप क्रिकेटको ढोकाको नजिक पुग्न अब एक विजय आवश्यक छ ।

 

प्रतियोगिताको एक मात्र अपराजित टिम नेपालको ४ खेलबाट ८ अंक छ भने समान खेलबाट ६ अंक जोडेको सिंगापुर दोस्रो स्थानमा छ । सिंगापुरसंग समान अंक जोडे पनि रन रेटका आधारमा पछिपरेको डेनमार्क तेस्रो स्थानमा छ भने ४ अंकका साथ अमेरिका चौथो स्थानमा छ ।

 

नेपालले अब डेनमार्कसंग खेल्नेछ भने अर्को खेलमा सिंगापुर र अमेरिका भिड्ने छन् । डेनमार्कलाई पराजित गरे नेपाल शीर्ष स्थानमा रहँदै फाइनलमा पुग्नेछ भने डिभिजन थ्रीका लागि छानिने छ । तर, नेपाल डेनमार्कसंग पराजित हुने र सिंगापुरले अमेरिकालाई पराजित गरे डिभिजन थ्रीमा उक्लन नेपाल रन रेटमा भर पार्नुपर्ने हुन्छ ।

नेपालजापान सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

तपाईंको प्रतिकृया

Loading...

ताजा समाचार

फेसबुक

ट्वीटर

सामाजिक सञ्जाल

More