लड्डु बुढा नेताहरुलाई खान दिऊ नेतृत्व युवाहरुले लिऊ
सारसङ्ग्रहवाद अर्थात एकीकृत सिद्धान्तको आधारमा एकतामा ल्याउने, आफै आउने, प्राकृतिक रुपमा गुरूत्व वल भएको नेत्तृत्वको मातहतमा ठूलो शक्ति जम्मा हुँदै जान्छन् । कता कता आइन्स्टाइनको एकीकृत सिद्धान्त पनि मेल खान्छ । जति बलले रोके पनि, छेके पनि प्रकृति विज्ञानले आफै बैकल्पिक बाटो खोजिसकेको हुन्छ । आज त्यो क्षमता भएको नेता नेपालमा प्रधानमन्त्री केपी ओली नै हुन् । यसका लागि जनताबीच त्यो माहोल बनिसकेको छ । भलै नेतृत्वतिर कम होलान । आज लड्डु खाए पनि भोलिबाट सबै मिलेर जाने सिराबाट नै सोच्नुपर्छ जहाँबाट समस्या निस्केको थियो यो एक किसिमले माक्र्सबाद सिद्धान्त पनि हो ।
हिजो लेनिनले सारसङ्ग्रहवादको खण्डन गर्नुभएको थियो । त्यो समयमा खण्डन ठीक थियो तर आज समय बिल्कुल फेरिएको छ । मानिस सबैका आआफ्ना कमजोरी हुन्छन् । असाध्यै राम्रा कुराहरू पनि हुन्छन् । सानातिना कमजोरी केलाएर बस्नुको अर्थ यो समयमा छैन । ढिकीले धान कुट्ने बिया केलाएर बस्ने शताब्दी हैन । मेसिन नै ल्याएर केलाउनै नपर्ने डिजिटल युग हो ।
वनको बाघ र घरपालुवा हात्तीलाई लडाउनु बेकार हो । दुबैका राम्रा बिशेषता पनि धेरै छन् । एकले अर्कालाई उपयोग गर्ने सोच पनि देखिन्छन् । पाए निल्ने सोच पनि देखिन्छ त्यो प्रष्ट छ । यथार्थ के हो भने यहाँ को प्रतिगामी हुन् या हैनन् भनेर डाको छोड्नुभन्दा यो मात्र घर झगडा हो भनेर किन हातेमालो नगर्ने ?
एउटा प्रवृत्ति (ए) टसमस नचल्ने, नफेरिने, अर्को (बी) पाएसम्म उपयोग गर्ने, आफ्नो मौलिकता विर्सीएर, आफ्ना हितैषी विर्सीएर नयाँ सम्बन्ध विकास गर्ने अन्ततः बिस्तारै त्यहींबाट नयाँ बिद्रोह उम्रिन्छ र स्वतः कमजोर हुन्छ (बी) । शक्ति संरक्षणको सिद्धान्त पनि महत्वपूर्ण हुन्छ यस अर्थमा जस्तो परीस्थितिमा पनि साथ दिने माहोल वन्छ र शक्तिसाली बन्दै जान्छ (ए) ।
हिजो लेनिनले पनि शक्तिसंरक्षण गरेकाले सफल भएका थिए । चीनले सांस्कृतिक क्रान्ति गलत भएको ठहर गरी तत्काल सुधार गर्दै शक्ति संरक्षण गरेकाले आजसम्म सफल छ । यसरी ढुलमुल हुने, भाडामा लिएको बलको आधारमा गर्जने खोक्रो शक्ति वास्तवमा यसको मार समाजवादीहरूलाई नै पर्छ । यो एक किसिमले धोका पनि हो ।
बेला बेलामा यस्ता घट्ना घटेका थिए पनि संसारमै । फिडेल क्यास्ट्रोले पनि पापड बेलेरै भए पनि शक्तिसंरक्षण गरेरै अमेरिकी साम्राज्यवाद पस्न नदिई क्यूवा जोगाएर सधै समाजवादी देश बनाए । आज नेपालमा नयाँ नक्षत्र वनेर वामपन्थी झुल्केको छ यसमा ठूलो योगदान क मदन भण्डारीले वनाएको सिद्धान्तको छ । उनी बाचेका भए निसन्देह शक्ति संरक्षण गरेका हुन्थे, समाजवादको वाटोतिर हिंडेको हुन्थ्यो सायद, मेरो अनुमान मात्र हो ।
तैपनि बामपन्थीहरूको यहाँसम्मको यात्रा माटो सुहाउँदो आन्दोलन नेपालमा जोगाउन सकियो भने वास्तवमा एेतिहासिक हुनेछ । वरिपरी मात्र नहेरौं टाढासम्म दूरदर्शी भएर सोचौ । सधै शान्ति, दिगो विकास र समृद्धिको पक्षमा चिन्तन गरौं । कमसेकम युवा नेताहरूबीच व्यंग्यवाण नचलोस्, तर्कसंगत बहस चलोस् साथै नेत्तृत्व आफैं आउदैन, नेतृत्त्व जनताबीचबाट प्रतिस्पर्धा गरेर लिन युवा नेताहरू सक्षम भएर बस्दा हुन्छ । लड्डु बुढा नेताहरूलाई मात्र खान दिनुस् । जय होस
कास्की पोखरा, हाल टोकियो जापान
प्रतिक्रिया राख्नुहोस्