आफ्नै छोरीलाई जबर्जस्ती करणी गर्ने बुबा पक्राउ

arrest

आजभोलि छोरी चेली घरबाटै त्यो पनि आफ्नै बाबुबाट असुरक्षित हुन थालेका छन् । छोरीहरुको रक्षा गर्नुपर्ने दालित्व लिएका बाबुबाटै छोरीहरु बलात्कृत हुन थालेपछि समाजमा उनीहरु कसरी सुरक्षित होलान् ।

केही समययताा बाबुबाट छोरी बलात्कृत भएका घटनामा बढोत्तरी आइरहेको छ । सोमबार सिरहाको गोलबजारबाट एकजनालाई आफ्नै छोरीमाथि जबर्जस्ती करणी गरेको आरोपमा प्रहरीले पक्राउ गरेको छ ।

इलाका प्रहरी कार्यालय, गोलबजारबाट खटिएको प्रहरी टोलीले आफ्नै १५ वर्षीय छोरीमाथि जबर्जस्ती करणी गरेको आरोपमा ४५ वर्षीय बुबालाई पक्राउ गरेको हो ।

आफूलाई पटकपटक जबर्जस्ती करणी गरेको पीडितको सूचनाका आधारमा उनका बुबालाई पक्राउ गरिएको इप्रका, गोलबजारका प्रहरी निरीक्षक राजेन्द्र उपाध्यायले जानकारी दिनुभयो ।

पछिल्लोपटक पुनः बुबाले जबर्जस्ती करणीको प्रयास गरेपछि बालिकाले आफ्नी फूपूमार्फत प्रहरीलाई जानकारी गराएको प्रहरी निरीक्षक उपाध्यायले बताउनुभयो । पक्राउ परेकामाथि थप अनुसन्धान सुरु गरिएको उहाँले बताउनुभयो ।