एम्बुलेन्स र ट्रक ठोक्किँदा सातजनाको मृत्यु

विराटनगरस्थित गोल्डेन अस्पतालबाट उदयपुर जाँदै गरेको एम्बुलेन्स र ट्रक एक आपसमा ठोक्किदा सातजनाको मृत्यु भएको छ । मृत्यु हुने सबै एम्बुलेन्समा सवार थिए ।

प्रहरीका अनुसार एम्बुलेन्समा १ महिला र ६ पुरुष सवार थिए । सो दुर्घटना घटना लौकी नजिकै भएको हो । जिल्ला प्रहरी कार्यालय,सुनसरीका प्रवक्ता डिएसपी विनोद शर्माका अनुसार विराटनगरस्थित गोल्डेन अस्पतालबाट उदयपुर जाँदै गरेको एम्बुलेन्स र वीरगंजबाट विराटनगर जाँदै गरेको ट्रकसँग एकआपसमा ठोक्किदां एम्बुलेन्समा सवार सातै जनाको मृत्यु भएको हो ।

घटना हेर्दा दुबै सवारीसाधन तीब्रगतिमा भएको अनुमान शर्माको छ । शमौका अनुसार ठक्कर खाएपछि उछिट्टिएको एम्बुलेन्स सडकमा उल्टो बजारिएको थियो । मृतकहरूलाई एम्बुलेन्सबाट निकाल्नै ४ घण्टा लागेको बताए।

एम्बुलेन्स उपचार गर्न विराटनगरको गोल्डेन अस्पताल ल्याईएकी महिलाको उपचारका क्रममा निधन भएपछि उनलाई लिएर उदयपुर फर्कदैं थियो । मृतकहरूको पूरा परिचय खुलिसकेको छैन ।

एम्बुलेन्स र ट्रक ठोक्कियो,नवजात शिशु सहित तीनजनाको ज्यान गयो

रौतहटमा एम्बुलेन्स र ट्रक एकआपसमा ठोक्किँदा तीनजनाको मेत्यु भएको छ । विरगञ्जबाट सकुवापा तर्फ छुटेको ज १ च ३४३ नम्बरको एम्बुलेन्स र ना २ ख ९६९८ नम्बरको ट्रब चन्द्रपुर नगरपालिका वडा नं १३ मा एक आपासमा ठोक्किएको थियो ।

एम्बुलेन्स र ट्रक एक आपसमा ठोक्किँदा एम्बुलेन्समा सवार सुत्केरी महिला, नवजात शिशु र चालकको मृत्यु भएको रौतहटका प्रहरी उपरीक्षक सानुबाबु थपलियाले जानकारी दिनुभयो ।मृतयुहुनेहरुमा सुरेश विक, घाइते सुत्केरी सकुवापाकी २२ वर्षकी हसिबुन खातुन र उनको छोरा रहेका छन् ।ट्रक चालक भने फरार भएका छन् ।