१८ औँ तल्लाबाट हाम फाल्दा पनि मर्ने चाहना पुरा भएन(भिडियाे सहित)

चीनको शानडोंग प्रान्तमा आत्महत्याका लागि एकजना महिलाले गगनचुम्बी महलको १८ औँ तल्लाबाट हाम फालिन् ।

तर उनको मर्ने चाहना पूरा भएन । उनलाई समय छँदै बचाइयो ।गत जुलाई १५ मा यो घटना भएको हो । लियोचेंग सहरको एक भवनको १८ औँ तलाबाट हाम फाल्ने तयारी गरिरहेकी ती महिलालाई एक व्यक्तिले देखे । उनले तत्कालै पुलिसलाई खबर गरे ।

पुलिस क्षणभरमै घटनास्थल पुग्यो । हाम फाल्ने कोसिस गरिरहेकी महिलालाई त्यसो नगर्नका लागि झण्डै १ घण्टासम्म सम्झाउने कोसिस गर्यो पुलिसले । तर ती महिलाले मानिनन् र हाम फालिन् ।

तर उद्धारकर्मीहरुले ती महिला हाम फालेर भुइँमा नखस्दै तल भुईंमा हावा भरिएको निकै अग्लो गद्दा बिच्छ्याएका थिए । ती महिला भुइँमा बजि्रन पाइनन् र त्यहीँ गद्दामा खसिन् । जसका कारण उनलाई गम्भीर चोट लाग्न पाएन ।

उनलाई तत्काल अस्पताल लगियो । उनको अनुहारमा केही चोटपटक लागेपनि उनी खतरा बाहिर रहेको बताइएको छ । उनले आत्महत्या गर्न खोज्नुको कारणबारे प्रहरीले अनुसन्धान गरिरहेको छ ।

यसै सन्दर्भ र बिषय बस्तुका साथ भिजिन नेपाल टेलिभिजनको प्रस्तुती फरक विश्व यहाँ प्रस्ततु गरिएको छ ।