सोमबार विहान ललितपुरको इमाडोलमा इनारमा खसेकी महिलाको साँढे दुईघण्टाको प्रयासपछि उद्धार गरी उपचारका लागि अस्पताल लगिएको छ ।
समाचार अनुसार दोलखा घर भई इमाडोलको कृष्ण मन्दिर पछाडि डेरा गरी बस्ने २८ वर्षीया न्युटन प्रधान लुगा सुकाउन इनारमाथि चढेको बेला स्लाब फुटेर इनारभित्र खसेकी थिइन् ।
नेपाल प्रहरी, विपद व्यवस्थापनको टोली र नेपाली सेनाको टोलीले करिब साढे दुई घण्टा लगाएर उद्धार गरी उपचारका लागि पाटन अस्पताल लगिएको हो ।
ललितपुरको सातदोबाटो प्रहरी कार्यालयका डिएसपी उमेश जोशीले महिलाको उद्धार गरेर उपचारका लागि पाटन अस्पताल लगिएको जानकारी दिंदै उनको अवस्था गम्भीर नरहेको र बोल्न सक्ने अवस्थामा रहेको बताउनुभयो ।
प्रतिक्रिया राख्नुहोस्