कोरोना भाइरस संक्रमण बढेपछि जापानको राजधानी टोकियो लगायतका राज्यहरुमा संकटकाल घोषणासंगै सरकारले संकटकाल घोषित क्षेत्रका बार तथा रेष्टुरेन्टहरुलाई दिइने सहायता रकम बढाउने भएको छ ।
सरकारले तोकेको समय अर्थात् साँझ ८ बजे बन्द गर्ने निर्देशनको पालना गर्नेहरुलाई बढीमा दैनिक ५ सय ८० डलर प्रदान गरिने छ । संकटकाल अधिमा सेवा अवधि कटौती गरिएपछि सरकारले सहायता रकम बढाउने निर्णय गरेको हो ।
सहायता कोषका लागि सरकारले १ सय १५ खर्ब येन (लगभग १ सय १० अर्ब डलर) विनियोजन गरिसकेको छ । आपतकालीन राहत कोष संसदको स्वीकृतिबिना नै सरकारले चालू आर्थिक वर्षमा खर्च गर्न सक्नेछ । सरकारले विनियोजन गरेकोमध्ये आधा रकम (६१ अब ७० करोड डलर) अझै खर्च हुन बाँकी छ ।
सरकारले घोषणा गरेको सहायता राशी वृद्धि रकममध्ये ७ अर्ब १ सय करोड डलरको उपयोग राजधानी टोकियो र अन्य १० राज्यहरुमा रहेका रेष्टुरेन्ट तथा बारहरुलाई बढाइएको सहायता राशिमा उपयोग गरिनेछ ।
प्रतिक्रिया राख्नुहोस्