राजनीति
देशलाई कालो सुरुङमा हाल्ने ओलीको कदमबिरुद्ध २८ गतेको जनप्रदर्शन निर्णायक हुने
![Prachanda](https://www.nepaljapan.com/wp-content/uploads/2021/01/Prachanda-1-1.jpg)
नेकपा प्रचण्ड–माधव समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी ओलीले देशलाई कालो सुरुङमा हालेको आरोप लगाउँदै आफ्नो समूहले माघ २८ गतेको जनप्रदर्शन निर्णायक हुने र देश जोगाउन निर्णायक संघर्षमा उत्रनुको विकल्प नरहेको बताउनुभएको छ ।
बिहिबार पेरिसडाँडामा बसेको जनसंघर्ष समितिको सचिवालय बैठकलाई सम्बोधन गर्दै अध्यक्ष प्रचण्डले माघ २८ को जनप्रदर्शन निर्णायक हुने बताउँदै त्यसमा सहभागी हुन आव्हान गर्नुभएको हो ।
उहाँले केपी ओलीले देशलाई कालो सुरुङमा हाले पनि त्यो प्रयास विफल बनाउने र जनता नै त्यस्तो निर्णायक शक्ति भएको पनि बतानुभयो ।
प्रचण्ड नेपाल समूहले माघ २८ मा राजधानीमा विशाल जनप्रदर्शनको तयारी गरेको छ । त्यसअघि माघ २२ मा मोटरसाइकल र्याली निकाल्ने तयारी गरेको छ ।
प्रतिक्रिया राख्नुहोस्