मानवका लागि पृथ्वीको विकल्प ग्रहको खोजीमा रहका वैज्ञानिकहरुले मंगलग्रहमा पानी रहेको पुष्टि गरेका छन् । पछिल्लो अध्ययनले मंगल ग्रहको सतहमुनि ठूलो मात्रामा बरफ जम्मा भएको र त्यसबाट पानी बन्ने देखाइएको छ ।
अध्ययनकर्ताहरुका सो बरफ पग्लियो भने मंगल ग्रहको सतह १.५ देखि २.७ मिटर गहिरो पानीमा डुब्न सक्छ । यो मंगल ग्रहको मेडुसा जीवाश्मा गठन क्षेत्रमा फेला परेको पानीको सबैभन्दा ठूलो भण्डार हुन सक्छ, जसमा पृथ्वीको लाल सागरमा रहेको पानीको मात्रा बराबर पानी रहेको छ ।
अमेरिकी अन्तरिक्ष एजेन्सी नासाले मंगल ग्रहमा पठाएको पर्सेभेरेन्स रोभरको तथ्यांकले यो पुष्टि गरेको हो । यो रोबर नासाले २०२१ मा मंगल ग्रहमा जीवन खोज्न पठाएको थियो। यसले मंगल ग्रहको जाजिरो क्रेटरबाट चट्टानको नमूना संकलन गरेको थियो । साथै यसले जमिनमुनि पानी खोज्नका लागि पनि अनुसन्धान गरेको थियो ।
यूसीएलए (UCLA ) र युनिभर्सिटी अफ ओस्लोका वैज्ञानिकहरूको टोलीले रोबर डाटाबाट मंगल ग्रहको सतहभन्दा ६५ फिट तल माटोको कणमा आर्द्रता रहेको पत्ता लगाएका थिए ।
वैज्ञानिकहरुले आफ्नो अध्ययन गत शुक्रबार सार्वजनिक गरेका हुन् । उनीहरु भन्छन् कि जाजिरो क्रेटर मंगल ग्रहको सतह हो, जहाँ पहिले ठूलो ताल थियो । त्यस्तै वैज्ञानिकहरूले तथ्यांकको अध्ययन गरी मंगल ग्रहमा कुनै समय सूक्ष्मजीवको रूपमा जीवन रहेको अनुमान गरेका छन् ।
मंगल ग्रह बस्न योग्य थियो
वैज्ञानिकहरूका अनुसार चिसो र निर्जीव देखिने मंगल ग्रह कुनै समय तातो, पानीयुक्त र बस्न योग्य थियो । वैज्ञानिकहरूले पहिले नै जाजिरो क्रेटरमा पानी रहेको आशंका गरेका थिए, यो पुष्टि गर्नको लागि पर्सेरेन्स रोबर यहाँ अवतरण गरिएको थियो ।
पानीको पुष्टि गर्न र जीवनको खोजी गर्न पर्सेभेरेन्स मार्स रोबरले १८-१९ फेब्रुअरी २०२१ को रात मंगल ग्रहमा अवतरण गरेको थियो ।
नासाले पर्सिभेरेन्सको अवतरणलाई मंगल ग्रहमा रोबरको इतिहासमा सबैभन्दा सटीक अवतरण भएको दाबी गरेको थियो । यो ६ पाङ्ग्रे रोबरले सात महिनामा ४७ करोड किलोमिटरको यात्रा पूरा गरेको थियो ।
यसको अन्तिम सात मिनेट अत्यन्तै कठिन र खतरनाक थियो । यो अवधिमा ७ मिनेटमा १२ हजार माइल प्रतिघण्टाको गतिबटा शून्यमा आयो र यसपछि अवतरण भयो ।
पृथ्वीको पानी लाल सागर जत्तिकै वैज्ञानिक
यस अध्ययनलाई मंगल ग्रहमा भएको सबैभन्दा महत्त्वपूर्ण पानी खोजको रूपमा हेरिएको छ । मंगल ग्रहमा रहेको यसको अग्ला चुचुराहरू रहेका छन, जुन सयौं किलोमिटरसम्म फैलिएको छ र धेरै किलोमिटर अग्लो रहेको छ । मंगल ग्रहको उच्च पहाडी र तराईको सिमानामा ठूलो मात्रामा धुलो छ ।
रोबरले अडियो रेकर्डिङ पठायो
यसको प्रक्षेपण भएको केही दिन पछि, पर्सेभेरेन्स रोबरले मंगल ग्रहको पहिलो अडियो रेकर्डिङ जारी गर्यो । यो १० सेकेन्डको अडियो क्लिपमा निकै कम आवाज थियो । नासाका अनुसार पर्सभेरेन्स रोभरको अवतरणपछि त्यहाँ रहेको धुलो र माटोको दबाबका कारण यो निर्माण भएको हो ।
लगभग एक महिनापछि, मार्चमा, यो रोबरले लगभग २१.३ फिट सम्मको परीक्षण ड्राइभ गर्यो । जसका कारण मंगल ग्रहको माटोमा रोबरको पाङ्ग्राको निशान बन्यो । नासाले यी चिन्हहरूको तस्बिर सामाजिक सञ्जालमा सेयर गरेको थियो ।
पर्सिभेरेन्स रोभरको तौल एक हजार किलोग्राम छ
पर्सिभेरेन्स रोबरको वजन १००० किलोको रहेको छ । यो परमाणु ऊर्जामा चल्छ । पहिलो पटक रोबरमा इन्धनको रूपमा प्लुटोनियम प्रयोग गरिएको थियो । यो रोबरले मंगल ग्रहमा १० वर्ष काम गर्नेछ । यसमा ७ फिटको रोबोटिक हात, २३ क्यामेरा र ड्रिल मेसिन रहेको छ ।
प्रतिक्रिया राख्नुहोस्