जापान सरकारको निष्कर्ष- संकटकाल तत्काल हटाउन कठिन हुँदै गयो
![Virus Outbreak Japan](https://www.nepaljapan.com/wp-content/uploads/2021/01/Tokyo-emergency-e1610029322488-1.jpg)
कोरोना भाइरस संक्रमण बढेसंगै दोस्रोपटक राजधानी टोकियो लगायत ११ प्रान्तमा घोषणा गरिएको संकटकाल केही क्षेत्रमा निर्धारित समयभन्दा अरु बढीसम्म जारी राख्नुपर्ने सरकारी धारणा प्रवल हुँदै गएको छ । जनवरी २०२१ बाट राजधानी टोकियो लगायत ११ प्रान्तमा फेब्रुअरी ७ सम्म संकटकाल घोषणा गरिएको छ ।
त्यसो त अघिल्लो हप्तादेखि संक्रमितहरुको संख्या सोभदा अघिल्ला हप्ताहरुको तुलनामा कम देखिए पनि स्वास्थ्य क्षेत्रमा भने निकै दवाव बढिरहेको छ । विशेष गरी वृद्धवृद्धाहरु बढी संक्रमित भैरहेको र उनीहरुमा गम्भीर लक्षण देखापर्ने खतरा बढिरहेको छ ।
यसबीचमा स्वास्थ्यमन्त्री तामुरा नोरिहिसाले संक्रमितको संख्यामा केही कमी आए पनि आशावादी भएर निर्णय गर्नु हतार हुने बताउनुभएको छ । उहाँले आगामी साता संकटकालका विषयमा विशेषज्ञहरुसंग परामर्श गरेर मात्रै निर्णय लिनेछ ।
यसैबीच राजधानी टोकियोसहित तीन प्रान्तका गवर्नरहरुले वर्तमान संकटकालको भविष्यका विषयमा विचार गरिरहेको बताएका छन् । टोकियो गवर्भन कोइके युरिकोले संक्रमित हुनेहरुको संख्या अझै पनि बढी नै रहेकोले अत्यधिक सावधानी अपनाउनु आवश्यक रहेको बताउनुभएको छ ।
त्यस्तै कानागावाका गवर्नर कुरोइवा युजीले कानागावामा स्वास्थ्य सेवाको स्थिति अहिले पनि तनावपूर्ण रहेको बताउनुभएको छ । उहाँले यस विषयमा शुक्रबार सरकारसंग छलफल समेत गर्नुभएको थियो ।
प्रतिक्रिया राख्नुहोस्